Wa munsi wageze! Ibigo byahize ibindi mu gufata neza abakozi bigiye gushimirwa muri ‘People Matters Awards’

Ni ibihembo byiswe ‘People Matters Awards 2024’ bigiye gutangwa ku nshuro ya mbere, ibirori byo kubitanga bikaba biteganijwe ku mugoroba wo kuri uyu wa Gatanu tariki 20 Ukuboza 2024, kuri Four Points by Sheraton Hotel i Kigali.

Mu bigo bihataniye ibi bihembo, harimo MTN Rwanda, Bank of Kigali, Rwanda Red Cross, Inteko y’Umuco, Isibo Group Ltd, Kigali Marriott Hotel, Ikigo cy’Imisoro n’Amahoro (RRA), BRD, REG, MIFOTRA, BPR Bank, Four Points by Sheraton Kigali n’ibindi byinshi.

Mu kiganiro n’itangazamakuru cyabaye ku wa 15 Ugushyingo 2024, ubuyobozi bwa People Matters Kigali-Rwanda bwatangaje ko ibi bihembo bizaba biri mu byiciro icumi bitandukanye.

Biteganyijwe ko buri cyiciro haraza kuvamo ibigo bitatu byitwaye neza mu gufata neza abakozi babyo mu 2024 ndetse no kugira inama ibigo uko byafata neza abakozi.

Si ibyo gusa kandi, harahembwa n’ibigo bikizamuka byafashe neza abakozi ariko bitarengeje imyaka ibiri bibayeho.

Muri ibi byiciro, harimo icya ‘Best workplace for diversity & inclusion,’ ‘Best employee wellness program,’ ‘Employee of the year,’ ‘Best work-life balance initiatives,’ ‘Best workplace for women,’ ‘Employee development & training excellence,’ ‘Outstanding employee benefits and compensation,’ ‘Innovation in HR practices,’ ‘HR team of the year,’ ndetse n’icyiswe ‘Rising Star Award.’

Umuyobozi Mukuru wa People Matters Kigali-Rwanda, Steven Murenzi avuga ko ari ngombwa gushimira ibigo bifata neza abakozi, kuko iyo umukozi afashwe neza bituma akora akazi ke yishimye kandi neza, ikigo kikabona umusaruro.

Ati: “Twaricaye hagati yacu turavunga ngo ibigo byita ku bakozi gute? Ibifata neza abakozi babyo kuki tutabishimira? Niho havuyemo rero igitekerezo cyo kuvuga ngo ibigo byita ku bakozi reka nabyo tubishimire, nibwo bwa mbere bigeye kuba mu gihugu. Ubundi habagaho ibindi bihembo bitandukanye ariko ntawashimiraga uwitaye kuri abo bakozi. Iyo gahunda niyo tugambiriye, kandi niyo dushyize imbere”.

Ibigo bigiye guhembwa ni ibyashoboye kugaragaza uko byitaye ku bakozi babyo muri uyu mwaka wa 2024. Hasobanuwe ko iyo ibigo byitaweho n’abantu babikoramo bakitabwaho igihugu cyatera imbere ntakabuza.

Dore uko ibigo bihatanye muri buri cyiciro:

 

Ibihembo biratangwa kuri uyu wa Gatanu tariki 20 Ukuboza 2024 Saa Kumi n'Imwe z'umugoroba kuri Four Points By Sheraton Hotel i Kigali

Umuyobozi wa Pople Matters Kigali-Rwanda, Steven Murenzi yavuze ko ari ngombwa gushimira ibigo bifata neza abakozi kuko iyo umukozi afashwe neza abasha no gukora neza agatanga umusaruro