Basketball: Amatariki Rwanda Super Cup izakinirwaho yamenyekanye

Umunyamabanga Nshingwabikorwa wa FERWABA, Fiona Ishimwe, yemeje amatariki ya Basketball Rwanda Super Cup mu kiganiro yagiranye na Times Sport, anongeraho ko ahazabera iyi mikino y’abagabo n’abagore hazatangazwa mu minsi iri imbere.

Basketball Rwanda Super Cup ni irushanwa ryashyizweho n’Inteko Rusange ya FERWABA mu 2023, rikaba rizajya rikora nka kimwe mu bimenyetso byo gufungura ku mugaragaro umwaka mushya wa shampiyona. Iri rushanwa rizahuza ikipe yatwaye shampiyona y’umwaka ushize n’iyatwaye igikombe cya Rwanda Cup.

Mu cyiciro cy’abagabo, ikipe ya APR BBC izakina na Rwanda Energy Group (REG). APR BBC, nyuma yo kwerekana ubuhanga budasanzwe igatwara ibikombe byombi Shampiyona na Rwanda Cup, izakina na REG BBC yabaye iya kabiri muri Rwanda Cup 2024.

Ku ruhande rw’abagore, ikipe ya REG Women BBC, yatwaye shampiyona y’umwaka ushize, izacakirana na APR Women BBC ifite igikombe cya Rwanda Cup. Iyi mikino yombi izakinwa hakinwa umukino umwe gusa, ikipe izawutsinda yegukane igikombe.

Biteganyijwe ko umwaka mushya wa shampiyona haba mu bagabo n’abagore uzatangira ku wa 24 Mutarama 2025.

Hamaze kumenyekana amatariki Basketball Rwanda Super Cup izakinirwaho