Incamake ku mavu n'amavuko y'intambara hagati ya Israel na Hamas

Mu kinyejana cya 19, intambara hagati y’Abayahudi n’Abanyapalestina ni bwo zatangiye zitewe n'amakimbirane ashingiye ku butaka.

Mu 1947, Umuryango ry’Abibumbye (UN) washyizeho gahunda yo gutandukanya ubutaka bwa Palestine, bukagabanywa hakamenyekana igice cy’Abayahudi n’ikindi cy’Abanyapalestine.

Abayahudi bemeye iyo gahunda, ariko Abanyapalestine n’ibihugu by’abarabu baturanye banga kubyemera, bituma habaho intambara ya mbere y’Abanyapalestina n’Abayahudi mu 1948.

Muri iyo ntambara, Israel yaratsinze, ishyiraho igihugu cyayo. Naho Abanyapalestine benshi barahunga, bahungira mu bihugu bituranye harimo Gaza.

Mu 1967, habaye intambara ya Gatandatu y’Abanyapalestine, aho Israel yigaruriye ubutaka bwinshi  harimo Gaza.

Nyuma y’iyo ntambara, Israel yatangiye kubaka ibigo by’abimukira mu bice byigaruriwe, bituma habaho amakimbirane akomeye n’Abanyapalestine.

Mu 1987, Umutwe wa Hamas washinzwe mu gihe cy’ubwiyunge bwa mbere bw’Abanyapalestine, ikaba yari ifite intego yo gushyiraho leta y’Abayisilamu muri Palestine.

Hamas yagiye ikora ibikorwa byo kugaba ibitero ku Israel , harimo gutera ibisasu by’inkongi n’ibindi bikorwa by’iterabwoba.

Mu 2005, Israel yakuye ingabo zayo muri Gaza, ariko ikomeza kugenzura inzira zose z’ubutaka, amazi  n’ikirere cya Gaza.

Mu 2007, Hamas yafashe ubutegetsi muri Gaza, ishyiraho ubuyobozi bwayo, bituma habaho ibihe by’ubuyobozi butandukanye hagati ya Hamas na Fatah, ari ryo shyaka riyoboye Leta ya Palestine.

Mu 2014, habaye intambara hagati ya Israel  na Hamas, aho habaye ibitero bikomeye, bigahitana abantu benshi ku mpande zombi.

Mu 2021, habaye indi ntambara hagati ya Israel  na Hamas, iturutse ku makimbirane mu mujyi wa Yerusalemu, aho Abanyapalestine bavugaga ko ari ubutaka bwabo.

Mu 2023, Hamas yagabye ikindi gitero gikomeye kuri Israel, kikaba cyarahitanye abantu benshi, bituma Israel itangiza ibikorwa bya gisirikare muri Gaza.

Kugeza ubu, intambara irakomeje kandi hari ibiganiro byo kugarura amahoro, ariko nta mwanzuro urambye uraboneka.

Ibihugu bitandukanye by’Isi bifite imyumvire itandukanye kuri iki kibazo aho ibihugu nka Leta Zunze Ubumwe za Amerika byashyigikiye Israel, mu gihe ibihugu nka Iran na Turkiya byashyigikiye Hamas.

Umuryango w'Abibumbye (UN) wagiye ugerageza gutanga ibisubizo, ariko iki kibazo gikomeje kgufata indi ntera  mu karere k’Uburasirazuba bwo Hagati, kandi gikurura impaka nyinshi.

Abantu benshi bifuza ko habaho amahoro arambye hagati ya Israel na Gaza, kugira ngo abaturage  babone umutekano n’iterambere.

Kuba iyi ntambara igikomeje, bituma abantu benshi bagira impungenge ku hazaza h’akarere k’Uburasirazuba bwo Hagati. Bikaba rero byumvikana ko bitewe n’uburemere bw’iki kibazo, hakenewe ubufatanye bw’ibihugu byose kugira ngo haboneke umuti urambye.