Ahabanza Ubukungu

Amerika yafatiye ibihano bikakaye Ethiopian Airlines na Etihad Airways

Yanditswe na: InyaRwanda
Taliki:16/12/2024 8:11 0

Leta Zunze Ubumwe za Amerika zashyizeho igihano cya Miliyoni 425 z'Amadolari kuri Ethiopian Airlines na Miliyoni 400 kuri Etihad Airways, kubera kuba izi sosiyete z'indege zifashe mu bikorwa byo kuguruka mu buryo butemewe n'amategeko mu kirere cyari cyarafunzwe.

Ibi bihano ni uburyo bw'ibikorwa byo gukangurira ibigo by'indege kuzuza ibisabwa byose no kwirinda guteza ibibazo mu bijyanye n'umutekano w'indege. Ibyo bihano byatanzwe nyuma y'iperereza ryakozwe n'Ikigo cy'Ubucungamizi bw'Ubwikorezi bw'Indege (OACP), ikigo gishinzwe kugenzura imikoreshereze y'indege.

Nk'uko bitangazwa na Minisiteri y'Ubwikorezi ya Amerika (USDOT)United State Departement of Transport, izi ndege zishobora gukora ingendo mu kirere cyafunzwe ku bundi buryo bwemewe gusa.

Mu iperereza ryakozwe, byagaragaye ko Ethiopian Airlines yakoze ingendo hagati ya Ethiopia na Djibouti hagati ya 2020 na 2023, ifite kode ya United Airlines, kandi ikaba yarakoze ibyo bikorwa mu kirere cyari cyafunzwe n'Ishami ry'Ubwikorezi bw'Indege muri Amerika (FAA)Federation Aviation Adiministration. Nubwo OACP yari yarabamenyesheje mu 2022, Ethiopian Airlines yakomeje ibikorwa nk'ibi kugeza mu Kuboza uwo mwaka.

Ikigo Etihad Airways cyakoresheje kode ya JetBlue Airways mu rugendo rwayo hagati ya Leta Zunze Ubumwe zAbarabu na Amerika hagati ya 2022 na 2023.

Mu itangazo ryashyizwe hanze n'ikigo cy'ubwikorezi, USDOT rigira riti "Iki gikorwa cyerekana ubushake bwa Leta Zunze Ubumwe za Amerika bwo kwemeza ko imikorere y'abantu bose batwara indege igendera ku mategeko y'umutekano n'uburyo bwemewe na FAA''.

Uru rubanza rwa Ethiopian Airlines na Etihad Airways rugaragaza ingaruka zikomeye z'ibikorwa bidakurikije amategeko.

Kuva muri Mutarama 2023, USDOT yagiye itanga ibihano ku bigo by'indege bitandukanye byari byararenze amabwiriza ya FAA. Nk'uko byatangajwe, Virgin Atlantic nayo yagiye ikoresha kode ya Delta Air Lines hagati ya 2020 na 2021 mu kirere cyari cyarafunzwe. Byari byakozwe mu gihe FAA yari yatangaje ingamba zo kurinda umutekano w'indege muri icyo kirere.

Minisiteri y'Ubwikorezi y’Amerika yashimangiye ko bizafatwa nk'uburyo bwo gukumira ibikorwa nk'ibi mu gihe kizaza kandi ko bizatuma ibigo by'indege bisobanukirwa uko bikwiye gukorera mu mutekano nk'uko bitangazwa na Fl360aero.