NBA: Cleveland Cavaliers bageze ku ntsinzi 15 bikurikiranya, Miami Heat iratakaza -VIDEO

Iyi ntsinzi ya Cleveland Cavaliers ya 15 yikurikiranya yabaye ibyishimo ndetse n’impano idasanzwe ku bakunzi bayo, ibi byabaye nyuma y’uko Cavaliers yatsinze Charlotte Hornets amanota 128-114 mu gihe cy’iminsi mikuru, kandi ikora amateka kubera ku nshuro yayo ya mbere mu mateka yayo itsinze imikino 15 ya NBA yikurikiranya.

Nubwo Donovan Mitchell, umukinnyi w’ibanze w’ikipe ya Cleveland Cavaliers ntabwo yakinnye uyu mukino wanditse amateka ku ikipe ya Cvaliers kuko yari yaruhukijwe. Gutsinda umukino wa none Cleveland Cavaliers yabifashijwemo n’abakinnyi nka Darius Garland, Ty Jerome, Evan Mobley na Jarrett Allen batanze umusanzu ukomeye.

Garland yatsinze amanota 25 hamwe na 12 assists, Jerome yatsinze 24, Mobley atsinda 23 hamwe n’imipira 11 y’ubufasha kuri bagenzi babo nayo yatanze andi manota, na Allen yatsinze amanota 21 hamwe na 15 rebounds.

Garland yavuze ko iki ari igikorwa cyari gisanzwe, ati: "Buri wese yatanze umusanzu w’ingenzi. Umukino wose wabaye uw’ikipe yose." Yatumye Cleveland Cavaliers iza ku mwanya wa kabiri mu makipe yatsinze imikino 15 muri MBA, bibashyira ku mwanya wa kabiri nyuma ya Golden State Warriors mu mwaka wa 2015-16, yo ikaba yarabonye intsinzi 24 zikurikiranya.

Mu yindi mikino, Minnesota Timberwolves yatsinze Phoenix Suns 120-117, aho umukinnyi Julius Randle mu minota ya nyuma yashose umupira wabyaye amanota atatu bifasha Timberwolves gushimangira intsinzi. Randle yari yatsinze amanota 35, mu gihe Anthony Edwards, umukinnyi ukomeye muri Timberwolves, yakoze igikorwa cyo guhindura umukino.

Devin Booker wa Phoenix nawe yakoresheje imbaraga zidasanzwe, atsinda amanota 44, ariko bitabashije gufasha Suns kugera ku ntsinzi.

Mu yindi mikino P.J. Washington yafashije Dallas Mavericks mu guhangana na Oklahoma City Thunder, atsinda amanota 27 na 17 rebounds, aho Dallas yatsinze 121-119 idafite umukinnyi ukomeye Luka Dončić.

Detroit Pistons ibifashijwemo na Cade Cunningham watsinze amanota 21, rebounds 10, assists 10 agafasha Detroit gutsinda Washington Wizzards amanota 124-104.

Indiana Pacers ibifashijwemo na Myles Turner watsinze amanota 34, yafashije Indiana Pacers gutsinda Miami Heat 119-110.

Portland Trail Blazers ku mbaraga za Shaedon Sharpe watsinze amanota 32, yatsinze Atlanta Hawks amanota 114-109.

Houston Rockets ibifashijwemo na Alperen Şengün watsinze amanota 20, na Rebound 11 na assist 11 yatsinze Chicago Bulls amanota 143-107, Los Angeles Clippers yo yatsinze Utah Jazz amanota 116-105.