FERWAFA yatangije shampiyona ya U17, APR FC igaraguza agati Rayon Sports -AMAFOTO+VIDEO

Kuri iki Cyumweru itariki 17 Ugushyingo 2024 kuri Kigali Pele Stadium hatangirijwe shampiyona y’abatarengeje imyaka 17 mu byiciro by’abahungu n’abakobwa. Ni shampiyona igiye kujya ikinwa hakurikije amategeko agenga shampiyona mpuzamahanga, ikaba kandi igamije kuzamura impano z’abakinnyi batandukanye mu by’iciro by’abagore no mu bagabo.

Ni shampiyona yatangijwe ku mugaragaro na Perezida wa FWRWAFA Munyantwari Alphonse, Komiseri ushinzwe amarushanwa muri FERWAFA, Turatsinze Aman, Ushinzwe amarushanwa mu bakiri bato, Habimana Hamudan, ushinzwe amarushanwa mu bagore, Munyankaka Ancille, Habimana Sixbert komiseri wa FIFA ushinzwe iterambere ry’abato mu karerepo.

Umukino wafunguye iyi Shampiona ni uwahuje ikipe ya Police WFC na APR WFC utangira Saa Saba   zirengaho iminota 17 za hano mu Rwanda. Ni umukino. Igice cya mbere cyagiye kurangira imvura iri kugwa kuri Kigali Pele Stadium.Cyarangiye APR WFC ifite igitego kimwe ku busa bwa Police WFC igitego cyatsinzwe na Fatima Uwase, akaba ari nawe wafunguye amazamu muri shampiyona y’abatarengeje imyaka 17 mu gihugu hose.

Igice cya Kabiri cyagarutse imvura yahise kuri Kigali Pele Stadium maze amakipe yombi arahatana. Police WFC yaje kwishyura igitego mu gice cya Kabiri, kuri penaliti yatewe neza na Uwase Betty.

Ikipe ya Police WFC ikimara gutsinda igitego cyo kwishyura, APR W FC yahise ikinana imbaraga zidasanzwe maze mu minota itarenze itanu Umuhoza Anualitha aba atsinze igitego cya kabiri ku ruhande rwa APR WFC.

Mu kiciro cy’abagore umukino wahuje Police WFC na APR WFC, warangiye APR itsinze ibitego bibiri kuri kimwe cya Police WFC.

FERWAFA yatangije shampiyona y'abatarengeje imyaka 17 mu bahungu n'abakobwa

Abakinnyi babanje mu kibuga ku ruhande rwa Police W FC U17

Abakinnyi babanje mu kibuga ku ruhande rwa APR WFC U17

Perezida wa FERWAFA yatangije shampiyona y'abatarengeje imyaka 17 mu bahungu n'abakobwa

APR WFC U17 yatangiye itsinda police WFC

Nyuma y’umukino wa Police WFC na APR WFC, Saa Cyenda n’Iminota 33, Abahungu ba APR FC batarengeje imyaka 17 bamanutse mu kibuga n’abahungu ba Rayon Sports y’abatarengeje imyaka 17.

Ku munota wa 6 wonyine abahungu ba APR FC batarengeje imyaka 17 babonye igitego cya mbere cyatsinzwe na Ujeneza Patrick, batangira basongongera igitego mu izamu rya mukeba w’ibihe byose ariwe Rayon Sports.

Nyuma y’iminota 16 APR FC U17 iyobonye igitego cya mbere, Shimwa Hirwa yayitsindiye igitego cya kabiri, ibintu bikomeza kuba bibi ku ruhande rwa Rayon sports U17.

APR FC U17 ikimara gutsinda igitego cya kabiri, abakinnyi ba Rayon Sports bahise barya amavubi maze nyuma y’iminota 7 batsinzwe igitego cya kabiri, Mugisha Fabien abona igitego cya mbere ku ruhande rwa Rayon Sports U17, kiba ari nacyo gitego cya mbere cyatsinzwe cyubakitse neza mu cyiciro cy’abahungu.

Nyuma y’iminota ine Rayon sports U17 ibonye igitego cya mbere, Ujeneza Patrick wa APR U17 yongeye guca intege abahungu ba Rayon Sports kuko yahise abatsinda igitego cya gatatu nuko ikomeza kuyobora umukino n’ibitego bitatu kuri kimwe.

Ubwo igice cya mbere cyari hafi kurangira, APR FC U17 yari iri hejuru cyane yabonye igitego cya kane cyatsinzwe na Ishimwe Hirwa Thiery nyuma y'uko ubwugarizi bwa Rayon Sports U17 bwari bumaze kugaragaza intege nke imbere y’abahungu ba APR U17.

Bidatinze Ishimwe Hirwa Thiery akimara gutsinda igitego cya Kane, yahise icya gatanu nuko abakinnyi ba Rayon Sports batangira gucika intege ku mugaragaro.

Nta minota itatu iciyemo, Arsitide Mugisha yatsindiye APR U17 igitego cya Gatandatu.

Igitego cya gatandatu kicyinjiramo, Ntwali Abudlahaman yahise abonera APR U17 igitego cya Karindwi, abakunzi ba Rayon Sports  bari kuri Kigali Pele Stadium bagwa mu kantu.

Rayon sports yari igiye guhera umwuka mu gice cya mbere siyo yarose kirangiye nuko amakipe yombi ajya kuruhuka ari ibitego 7-1.

Igice cya kabiri cyatangiranye n’igitego cya Munani cya APR FC U17 cyatsinzwe na Ujeneza Patrick. Nubwo mu gice cya Kabiri Rayon Sports yatsinzwe  iki gitego, yagaragaje kwihagararaho, maze igabanya kwinjizwa ibitego byinshi.

Kwihagararaho kwa Rayon Sports byageze aho agati karacika, ku munota wa 90 Hirwa Ishimwe atsindira APR FC U17 igitego cya Cyenda.

Umukino warangiye APR FC U17 itsinze Rayon Sports U17 ibitego 9-1.Uko umukino wa Rayon Sports U17 na APR FC U17 warangiye

Abakinnyi babanje mu kibuga ku ruhande rwa Rayon Sports U17

Abakinnyi babanje mu kibuga ku ruhande rwa APR FC U17

Rayon sports U17 yatangiranye igisebo kidasanzwe muri shampiyona

">