Basketball: Ikipe y'igihugu yerekeje muri Senegal -AMAFOTO

Ikipe y'igihugu nkuru y'abagabo y'umukino wa Basketball igiye muri Senegal kwitabira imikino yo gushaka itike y'igikombe cy'Afurika "FIBA Men's AfroBasket 2025 Qualifiers", izaba kuva tariki 22-24 Ugushyingo 2024.

Muri iyi mikino yo gushaka itike y'igikombe cy'Afurika, ikipe y'u Rwanda iri mu itsinda rya 3 (C), iri kumwe na Senegal, Cameroon na Gabon.

Ikipe y'u Rwanda irateganya gukina imikino 2 ya gicuti, izahuramo na Mali tariki 19/11/2024 ndetse na Sudan y'Epfo tariki 20/11/2024.

Abakinnyi berekeje i Dakar

Antino Alvares Jackson Jr, Alexandre Aerts, Jean Jacques Wilson Nshobozwabyosenumukiza, William Robeyns, Kenny Manzi, Dieudonné Ndizeye, Steven Hagumintwari, Emile Galois Kazeneza, Bruno Shema, Prince Muhizi, Cadeaux de Dieu Furaha, Osborn Shema, Noah Bigirumwami na Dylan Schommer.

Abatoza

Dr Cheikh Sarr (Umutoza mukuru), Yves Murenzi (umutoza wa mbere wungirije) na Kenny Gasana (umutoza wa kabiri wungirije)

Ikipe y’Igihugu y’abagbo y’umukino wa Basketball, irabanza gukina imikino ibiri ya gicuti  na Mali tariki ya 19 Ugushyingo ndetse na Sudani y’Epfo tariki ya 20 Ugushyingo 2024, iyi mikino yose ikazabera mu gihugu cya Senegal ari na ho irushanwa nyirizina rizakomereza.

Ikipe y’Igihugu y’u Rwanda itozwa na Cheikh Sarr, yari imaze iminsi mu mwiherero aho yari icumbitse muri Kigali Delight Hotel ndetse ikaba yakoraga imyitozo buri munsi muri stade nto y’i Remera (Petit Stade), mu rwego rwo gukaza imyiteguro y'iri rushanwa rigiye kubera muri Senegal kuva tariki ya 22 kugeza tariki ya 24 Ugushyingo.

U Rwanda ruri mu itsinda rya gatatu aho ruri kumwe n’ibihugu nka Senegal yakiriye iri rushanwa, Cameroon na Gabon.

Mu mukino ubanza, u Rwanda ruzahura na Senegal tariki ya 22 Ugushyingo, rwongere kugaruka mu kibuga tariki 23 Ugushyingo, rukina na Cameroon mu gihe ruzasoreza kuri Gabon tariki ya 24 Ugushyingo.

Ikipe y'igihugu ya Basketball yerekeje muri Senegal mu gushaka itike y'igikombe cya Africa 2025