Igitego atsinze hishyurwa ibihumbi 35$! Ingingo zidasanzwe mu masezerano ya Real Madrid na Endrick

Amasezerano Endrick yasinyanye na Real Madrid afite agaciro k'amafaranga agera kuri Miliyoni 35 z'amayero, akurikijwe n'inyongera zishingiye ku mikino azakina, imikino yatsinze ndetse n'ibihembo azatsindira mu kipe. Ibi byatumye amafaranga yose agera kuri Miliyoni 60 z'amayero, kuko amasezerano ya Real Madrid abamo na gahunda yo kongera amafaranga bitewe n'imyitwarire y'umukinnyi ndetse n’ayo iha ikipe yaturutsemo.

Endrick azahabwa umushahara wa Miliyoni 2 z'amayero ku mwaka, ariko ukazajya uzamuka ugereranyije n'uko azajya yitwara nk'uko byagenze kuri Vinícius Jr igihe yasinyaga muri Real Madrid.

Nubwo afite amasezerano y'imyaka itatu, ayo masezerano azajya avugururwa nyuma y'umwaka wa 2027, hakaba n'amahirwe yo kongera indi myaka itatu kugeza 2030.

Ikindi kandi Endrick na Real Madrid bazagabana 50% by'uburenganzira bw'amasoko ye (image rights), nk'uko byatangajwe mu masezerano.

Endrick yaje muri Real Madrid avuye mu ikipe ya Parmeias kugeza ubu mu masezerano iyi kipe yagiranye na Real Madrid ni uko buri musaruro uyu musore ahaye ikipe ya Real Madrid, Parmeias izajya iwubonaho inyungu kandi z’umurengera.

Muri iyi ngingo hari ahavuga ko buri gihe Endrick abanje mu kibuga agakina iminota irenze 45, ikipe ya Real Madrid nta kujurira igomba kwishyura ibihumbi 75$.

Buri gitego cya Endrick atsinze muri Real Madri, umupira atanze ukavamo igitego ndetse no kuba afite umupira imbere y’izamu bikarangira akoreweho Penaliti,. Ibyo byose gukora kimwe ikipe ya Parmeias yishyurwa ibihumbi 35$

Bisobanuye ko iyo Endrick yabanje mu kibuga agakina iminota irenze 45 ndetse akanatsinda igitego ikipe yahoze akinira ya Parmeias ihabwa ibihumbi 110$.

Uretse Iibihumbi 75$ bihabwa Parmeias nyuma y’uko umunya Brazil Endrick abanje mu kibuga agakina iminota irenze 45, Parmeias yungukira mu ruhare aba yagize ku gira ngo Real Madrid ibone igitego haba gutsinda igitego, gutanga umupira uvamo igitego no gukorerwaho penaliti, kuko uruhare rumwe rubarirwa ibihumbi 35$.

Bisobanuye uyu mukinnyi kuva yatangira gukinira Real Madrid Endrick uruhare rw’ibitego amaze kugira ni 6, nyuma yo gukorerwaho penaliti ebyiri, agatsinda ibitego bibiri akanatanga umupira ibiri yabyaye ibitego.

Ubwo bivuze ko ikipe ya Parmeias imaze kubona ibihumbi 140$ kubera uruhare rw’ibitego Endrick yagize muri Real Madrid. 

Umunya Brazil Endrick yasinye amasezerano atuma ikipe yakuriyemo yunguka akayabo