Algeria na Tunisia mu bihugu Nyafurika bisoresha imisoro ihanitse mu 2024

Imisoro n’amahoro ikusanywa mu gihugu, ni imwe mu nkingi ya mwamba yo kugabanya gutegereza inkunga n’inguzanyo z’amahanga ahubwo igihugu kikimakaza umuco wo kwigira.

Banki y'isi ivuga ko umusoro ari ingenzi cyane mu gushyigikira ishoramari ry’abantu ku giti cyabo, ibikorwa remezo n’imitangire ya serivisi ku baturage no mu bikorwa by’ubucuruzi.

Nyamara, gushyiraho uburyo bwiza bwo gukusanya imisoro kandi buboneye ntabwo byoroshye, cyane cyane mu bihugu bikiri mu nzira y'amajyambere. Guverinoma nyinshi zigongwa no kuba zikeneye imisoro myinshi ariko ntizimenye ibyo zikwiye gusoresha n’ibidakwiye gusoresha.

Mu bihugu bimwe na bimwe, nta musoro ku nyungu ku giti cy’umuntu wishyuzwa na gato, mu gihe hari ahandi, ushobora kugera kuri 50%. Muri buri gihugu, imisoro igenda irutanwa bitewe n’uko ibicuruzwa na serivisi bigura.

Mu Rwanda ku ya 1 Ugushyingo 2024, nibwo Ikigo Cy’Igihugu cy’Imisoro n’Amahoro, cyatangije ukwezi ko gushimira abasora b’indashyikirwa, bashimirwa umusanzu wabo mu kubaka igihugu, banasabwa kwirinda ibikorwa bya magendu n’ibindi bikorwa bimunga ubukungu bw’igihugu.

Ibikorwa ngarukamwaka byo gushimira abasora biri kuba ku nshuro ya 22, bizabera mu ntara zitandukanye z’igihugu, hagenderwa ku nsanganyamatsiko igira iti “EMB yanjye, umusanzu wanjye.”

Aha hari ibihugu 10 byo muri Afurika bisoresha imisoro iremereye hashingiwe kuri raporo ya Wisevoter: