Umuraperikazi Cardi B yabaye uwa mbere mu byamamare byari bishyigikiye Kamala Harris, byerekanye amarangamutima nyuma yibyavuye mu matora ya Perezida, ndetse yanihanganishije uyu mugore amwibutsa ko agifite amahirwe yo kuzayobora Amerika.
Belcalis Almanzar Cephus umuraperikazi akaba n'umwanditsi w'indirimbo wamamaye ku izina rya Cardi B, kimwe n'abandi benshi bari bategerezanije amatsiko ibiva mu matora ya Perezida w'Amerika, yagaragaje uko yabyakiriye .
Uyu muraperikazi akaba yaganiriye n'abafana be mu buryo bwa 'Live' kuri Instagram nyuma yo kubona ko Donald Trump agize amajwi menshi agatsinda Kamala Harris. Icya mbere Cardi B yavuze ni uko atishimiye ko uyu mugabo yongeye gutsinda ndetse avuga ko bitumvikana uburyo abanyamerika benshi bavugaga ko batazamutora bakaba ariwe batora.
Yagize ati: ''Njyewe ntimukomeze kumbaza uko niyumva, ndababaye, sinumva uburyo mwagiye gutora Trump kandi ariwe mwavugaga ko mutazatora kuko yahamwe n'ibyaha. Ibiri buve mu ibarura ry'amajwi biragaragara ko Trump ariwe Perezida byanze bikunze''.
Cardi B yakomeje aha ubutumwa bwe Kamala ati: ''Ibiva mu matora ibyo aribyo byose ntibiguce intege, ntibikubabaze kuko warwanishije imbaraga zawe zose, wakoze ibishoboka ahubwo Abanyamerika nibo bagutengushye. Ndagirango nkubwire ko tucyigushyigikiye kandi tugukunda, dutewe ishema nawe kandi buri mugore wese atewe ishema nawe yaba abari muri Amerika n'ahandi. Buri mugore w'umwiraburakazi aho ari hose arakwishimiye''.
Uyu muraperikazi avuze aya magambo, aba uwa mbere mu byamamare byari bishyigikiye Kamala Harris, bigize icyo bivuga kuva yatsindwa amatora. Cardi B kandi yaraherutse guherekeza Harris kwiyamamariza muri Leta ya Wisconcin.
Cardi B yakomeje Kamala Harris utahiriwe mu matora ya Perezida
Cardi B yaraherutse kujya kwamamaza Kamala Harris
Eng
RSS 
TANGA IGITECYEREZO