Ibyavuye mu matora ya Perezida wa Leta Zunze Ubumwe za Amerika yabaye ku wa Kabiri w'iki Cyumweru, bikomeje guhindagurika mu gihe hakibarwa amajwi muri Leta zitandukanye, gusa Donald Trump w'Abarepubulikani akomeje kuza imbere mu majwi.
Trump amaze gutorwa n’abarenga Miliyoni 51 mu gihe Kamala Harris amaze gutorwa n’abarenga miliyoni 47 mu majwi amaze kubarurwa. Trump afite amajwi 191 ya Electoral College, Kamala Harris akagira amajwi 81 gusa.
Ni mugihe Trump afite 230 naho Kamala Harris akagira 205 kuri 270 akenewe kugirango umukandida atsinde amatora. Iyi mibare imaze kuvugururwa muri iki gitondo uko hakomeza kugenda habarwa amajwi muri leta zigize USA.
Zimwe muri Leta Donald Trump uri mbere mu majwi yatsinzemo harimo Lawo, Utah, Mississippi, South Dakota, North Dakota, Texas, Wyoming, Montana, Arkansas, South Calorina, West Virginia, Tennesse, Missouri, Alabama na Oklahama.
Ni mu gihe Kamala Harris yatsinze muri Leta zirimo New York,California, Delaware, District of Columbia, Maryland,Massachusetts, Hawaii, Virginia,Oregon, New Mexico, Washington, Colorado.,
*Bimwe mu byaranze amatora
-Donald Trump yatanze impuruza ku bikorwa byo kwiba amajwi biri kubera muri Leta ya Pennsylvania mu Mujyi wa Philadelphia. Uyu mugabo ntabwo yasobanuye neza uburyo ari kwibwamo, icyakora yaciye amarenga ko inzego z’umutekano ziri gukurikirana iki kibazo.
Polisi yo muri uwo Mujyi yabwiye CNN ko nta makuru ifite ajyanye n’ibyo Donald Trump yavuze.
Elon Musk wamaze kugaragaza ko ashyigikiye Donald Trump yamaze gutora, aho yabikoreye muri Leta ya Texas isanzwe ari n’ibiro by’ibigo bya Tesla ndetse na SpaceX, ibigo byombi abereye Umuyobozi.
Uyu mugabo yahise afata rutemikirere imwerekeza i Florida ku nyubako ya Mar-a-Lago ya Donald Trump, aho aza kuba ari kumwe n’itsinda rito ry’abateye inkunga Trump n’inshuti ze, mu gukurikira imigendekere y’ibarura ry’amajwi.
-Mu gace ka Fulton County muri Leta ya Georgia, amatora yahagaritswe mu gihe cy'amasaha 3 ubwo bakiraga telefone zibaburira ko hatezwe ibisasu bya bombe 32 ziri buhitane abaje gutora.
Icyakoze bahise bavanwa ku murongo bajyana aharinzwe kugeza igihe bakoze igenzura basanga izo bombe ntazahatezwe, amatora abona gukomeza. Ibi byavuzwe ko abahamagaye babeshya ko bahateze ibisasu babikoze kugira ngo bakome mu nkokora igikorwa cy'amatora.
Eng
RSS 
Amakuru mashya kugeza ubu, Trump afite 247 naho Kamala afite 214
TANGA IGITECYEREZO