Neymar yongeye kuvunika

Ku munsi wejo kuwa Mbere nibwo ikipe ya Al Hilal yatsindaga ikipe ya Esteghlal F.C. yo muri Iran ibitego 3-0 mu mikino ya Champions League yo ku mugabane wa Asia.

Ni ibitego byatsinzwe na Aleksandar Mitrović ku munota wa 15,83 nuwa 74. Muri uyu mukino Neymar usanzwe ukinira ikipe ya Al Hilal yinjiyemo asimbuye ku munota 58 gusa nyuma y'iminota 22 yongera gusimbuzwa bitewe nuko yari agize ikibazo cy'imvune.

Nyuma y'uyu mukino nta cyo ikipe ya Al Hilal yigeze itangaza kuri iyi mvune ndetse n'uyu mukinnyi nawe nta cyo yigeze ayivugaho gusa yashyize ifoto ye muri uyu mukino ku mbugankoranyambaga ayiherekesha amagambo avuga ko wari umukino mwiza ,ko yishimiye kongera gukinira mu rugo,ashimira abafana , avuga ko ari igihe cyo gukira ndetse ko agishikamye kandi akomeye.

Ibi bibaye mu gihe Neymar akirutse imvune yari amaranye umwaka wose aho yari yaravunitse mu Ukwakira k'umwaka ushize ubwo ikipe y'igihugu ya Brazil yakinaga imikino yo gushaka itike y'igikombe cy'Isi cya 2025 kizabera muri Leta zunze ubumwe z'Amerika, Canada na Mexico.

Mu mpeshyi ya 2023, nibwo Neymar Jr yagiye muri Al-Hilal avuye muri Paris Saint-Germain aguzwe Miliyoni 90£ gusa kuva yagerayo amaze kuyikinira imikino 7 yonyine akaba yaratsinzemo igitego 1 gusa.

Neymar wongeye kugira ikibazo k'imvune