Israel Mbonyi yeretswe urukundo rwinshi n'abitabiriye igitaramo yakoreye muri Tanzania - AMAFOTO

Iki gitaramo cyabereye Mlimani City, ku mugoroba wo ku wa Gatandatu, tariki 2 Ugushyingo 2024.

Muri iki gitaramo cyahuje imbaga nyamwinshi y'abakunzi b'ibihangano bya Israel Mbonyi, uyu muramyi yafashije imitima ya benshi yifashishije ibihangano bye birimo 'Nitaamini,' 'Kaa Nami,' 'Nina Siri,' n'ibindi byakunzwe cyane ku rwego mpuzamahanga.

Ibi bitaramo Mbonyi yatangiye gukorera muri Tanzania byateguwe na sosiyite Wakati wa Mungu yashyize imbere ibitaramo byo kuramya no guhimbaza Imana, iyi ni inshuro ya Gatatu bateguye ibi bitaramo.

Kwinjira mu gitaramo cya Kabiri Mbonyi ari bukorere muri Tanzania ahitwa Leaders Club kuri iki Cyumweru tariki 3 Ugushyingo 2024, ni ukwishyura amashilingi ibihumbi 20 Tsh (hafi ibihumbi 10Frw) ahasanzwe na 50 Tsh (ibihumbi 24Frw) muri VIP.

Muri ibi bitaramo Mbonyi ari kuririmbana n’abarimo Rehema Simfukwe, Halisi Ministry, Joel Lwanga, n’abandi.

Mbonyi ari gutaramira muri Tanzania nyuma yo kuzenguruka mu bihugu birimo u Burundi aho yataramiye i Bujumbura mu ntangiriro za 2023, muri Kenya muri Kanama 2024 ndetse no muri Uganda aho yataramiye i Kampala n’i Mbarara muri Kanama 2024.

Uretse ibi bitaramo bizenguruka ibihugu byo mu Karere ka Afurika y’Iburasirazuba, Israel Mbonyi ateganya gukorera ibindi muri Mozambique ndetse no muri Afurika y’Epfo.

Israel Mbonyi yaraye ahembuye imitima y'abitabiriye igitaramo cye muri Tanzania

Mbonyi umaze kubaka ibigwi bikomeye mu muziki wo kuramya no guhimbaza Imana ku rwego mpuzamahanga, ategerejwe mu gitaramo cya nyuma muri Tanzania kuri iki Cyumweru