Umutoza wa Chelsea yagaragaje ubwoba mbere yo gukina na Manchester United

Ikipe ya Manchester United iracakirana na Chelsea mu mikino y’umunsi wa 10 wa shampiyona y’u Bwongereza English Premier League. Umutoza wa Chelsea yagaragaje ko bagorwa no gutsindira ku kibuga cya Manchester United Old Trafford.

Mu kiganiro n’itangazamakuru kibanziriza uyu mukino, Enzo Maresca utoza Chelsea yabajijwe uko biteguye kwitwara imbere ya Manchester United iherutse kwirukana umutoza Eric Ten Hag, avuga ko bitajya byorohera Chelsea gukura intsinzi ku kibuga cya Manchester United cyane ko imyaka yihiritse ari 10 nta ntsinzi Chelsea irakura kuri Old Trafford.

Enzo Maresca yagize ati “ Ntabwo turahatsindira kuva 2014. Uyu navuga ko ariwo mwanya mwiza wo kuhatsindira niko mbyizeye, gusa byerekana uburyo iriya Stade igoye kandi sitwe gusa ni kuri buri kipe yose. Tuzagerageza gukora ibyo dushoboye byose kugira ngo turebe ko twatsinda umukino.

Ikipe ya Chelsea iraza kumanuka mu ibuga ihura na Manchester United yamaze kirukana n’umutoza Eric ten Hag, umutoza bose bashimangiraga ko ari uwo gutanga amanota ku makipe aba ahanganye na Man United.

Kuva Eric Ten Hag yakwirukanwa, ikipe yahawe Ruud Van Nistelrooy asigara ayitoza nk’umusigire. Umukino wa mbere wa Ruud Van Nistelrooy yatsinze Leichester City ibitego 5-2 mu mikino ya Clabao Cup. 

Umutoza wa Chelsea yanze kwizeza abakunzi bayo intsinzi cyane ko imyaka yihiritse ari 10 iyi kipe itazi intsinzi yo kuri Old Trafford