Arsenal yatangiye gutandukana n’abayobozi bakomeye

Sporting Director Edu Gaspar wari umaze imyaka itanu kuri izo nshingano muri Arsenal ari mu nzira zo gutandukana nayo. Edu kandi ni umwe mu bayikiniye anayifasha gutwara igikombe cya shampiyona ya 2004  yegukanye idatsinwemo umukino n’umwe.

Muri Nyakanga 2019 ni bwo Sporting Director Edu Gaspar yatangiye izo nshingano muri Arsenal ku ikubitiro ahita aha akazi umunya-Espagne, Mikel Arteta ko kuba Umutoza Mukuru w’iyi kipe maze biha intego y’imyaka itanu ko bazaba bahaye iyi kipe igikombe cya Shampiyona.

Ikinyamakuru Football London cyatangaje ko Edu Gaspar namara kuva muri iyi ikipe, biraba biri guca amarenga ko na mugenzi we Mikel Arteta amahirwe menshi ari uko yatandukana nayo.

Impamvu ni uko intego bari barihaye yo kumara imyaka itanu bayihaye gikombe cya shampiyona zakomwe mu nkokora na Manchester City inshuro ebyiri ibatwara icyo gikombe.

Ku ikubitiro, Edu Gaspard akibona inshingano zo kuba Sporting Director wa Arsenal, yahise yirukana abakinnyi bari bakomeye nka Pierre-Emerick Aubameyang, Mesut Ozil n’abandi yabonaga batazamufasha mu mushinga w’imyaka itanu yari yihaye wo kuzayihesha igikombe cya shampiyona muri iyo myaka itanu.

Edu Gaspar mu bakinnyi yahaye amahirwe ko bakorana muri urwo rugendo rwe rw’imyaka itanu harimo Martin Odegard, Bukayo Saka, Thomas Partey, William Saliba n’abandi. Abandi bakinnyi aherutse kugura harimo Davida Raya, Rice Declan, Leandro Trossard na Kai Havertez.

Ikinyamakuru Football London cyavuze ko Edu Gaspar ari mu biganiro bikomeye na Evangelos Malinakis, uyu akaba ari umukire nyiri ikipe ya Nottingham Forest yo mu Bwongereza ndetse na Olympiacos yo mu Bugereki, ibiganiro byabo bikaba bigamije ko yamufasha kubaka ayo makipe ye akayashyira ku rwego rwo hejuru.

Edu Gaspard yatangaje ko agiye gutandukana na Arsenal, amakuru akaba amujyana muri Nottingham 

Muri 2023 Edu Gaspard yatowe nka Sporting Director w'umwaka kubera ibigwi yari amaze kugezaho Arsenal

Edu Gaspard agiye gusigira Arsenal abakinnyi bakomeye nka Declan Rice