Inkotanyi zafashe umuhanda wa Gatuna! Ibyaranze uyu munsi mu mateka

Tariki ya 3 Ugushyingo ni umunsi wa 307 mu minsi igize umwaka, hasigaye iminsi 58 uyu mwaka ukagera ku musozo.

Bimwe mu byaranze uyu munsi:

1913: Leta Zunze Ubumwe za Amerika zatangije uburyo bwo kwaka imisoro ku mutungo winjijwe (income tax).

1918: Igihugu cya Pologne cyatangaje ukwigenga kwacyo, kiyomora ku Leta Zunze Ubumwe z’Abasoviyete.

1959: Hari hashize iminsi ibiri Mbonyumutwa Dominique akubiswe. Habaye imyigaragambyo mu Ndiza i Gitarama, Abahutu birara mu Batutsi babashija kuba inyuma y’uko gukubitwa. Abayobozi babiri b’Abatutsi uwo munsi barishwe.

1975: Bamwe mu banyapolitiki bakomeye bo mu gihugu cya Bangladesh barimo Syed Nazrul Islam, A. H. M. Qamaruzzaman, Tajuddin Ahmad, Muhammad Mansur Ali ndetse na Sheikh Mujibur Rahman biciwe muri gereza nkuru ya Dhaka.

1978: Repubulika ya Dominica yashoboye kwigobotora ubukoloni bw’u Bwongereza, itangira ibihe by’ubwigenge.

1982: Mu gihugu cya Afghanistan habaye inkongi y’umuriro ikomeye, yibasiye inzira ya gari ya moshi inyura munsi y’ubutaka, isiga ihitanye abantu barenga 2000.

1986: Leta zigize Micronesia (Federated States of Micronesia) zigobotoye ubukoloni bwa Leta Zunze Ubumwe z’Amerika.

1990: Inkotanyi zafashe umuhanda wa Gatuna.

1997: Leta Zunze Ubumwe za Amerika zafatiye ibihano birebana n’ubukungu igihugu cya Sudani, imvano y’ibi bihano yabaye ukutubahiriza uburenganzira bw’ikiremwamuntu no gushyigikira imitwe y’intagondwa z’Abasilamu babarizwa mu Burasirazuba bwo hagati n’u Burasirazuba bw’Afurika ibinyujije mu nkunga yo kuyiha intwaro ndetse n’inkunga mu bya politiki.

Bamwe mu bavutse uyu munsi:

1952: David Ho, umushakashatsi ku bijyanye na SIDA ufite ubwenegihugu bwa Taiwan na Leta Zunze Ubumwe za Amerika.

1997: Mike O’Neill, ukomoka mu gihugu cya Canada wamenyekanye cyane mu mukino uzwi ku izina rya hockey.

Bamwe mu bitabye Imana uyu munsi:

1996: Jean-Bédel Bokassa, uyu mugabo yamenyekanye cyane ubwo yari umwami w’abami wa Centrafrique.

2006: Paul Mauriat, umuhanzi wa muzika ukomoka mu gihugu cyu Bufaransa.