Ishyirahamwe ry'umupira w'amaguru mu Rwanda, FERWAFA, ryatangaje ko hari abakunzi b'Amavubi baguriye abafana ibihumbi 10 amatike y'igihumbi ku mukino wo kwishyura w'ijonjora ry'ibanze ryo gushaka itike ya CHAN 2024 na Djibouti.
Kuri uyu wa Kane taliki ya 31 Ukwakira 2024 Saa kumi n'ebyiri ni bwo muri Stade Amahoro, Amavubi ari bwakire iya Djibouti mu mukino wo kwishyura w'ijonjora ry'ibanze ryo gushaka itike y'imikino ya Shampiyona Nyafurika ihuza abakinnyi bakina imbere mu bihugu byabo, CHAN 2024.
Mbere yuko uyu mukino, FERWAFA yatangaje ko hari abakunzu b'Amavubi baguriye abafana ibihumbi 10 amatike y'igihumbi (1000 Frw).
Mu itangazo iri shyirahamwe ryanyujije ku mbugankoranyambaga zayo rivuga ko abifuza guhabwa aya matike barinjira kugeza Saa Cyenda z'Amanywa banyuze ku muryango wegeranye na BK Arena ndetse n'uwahagana kuri Zigama CCS.
FERWAFA yavuze ko kandi abagera kuri Stade mbere aribo bari buhabwe aya matike, imiryango ikaba irafungura saa Saba z'Amanywa.
Umukino ubanza wakinwe ku Cyumweru gishize warangiye ikipe y'igihugu y'u Rwanda, "Amavubi" yari yakiriwe na Djibouti nabwo muri Stade Amahoro itsinzwe igitego 1-0. Bivuze ko kugira ngo ikipe y'igihugu y'u Rwanda ikomeje mu ijonjora rya kabiri biyisaba nibura gutsinda ibitego 2-0.
Ikipe izakomeza hagati y'ibihugu byombi, izahura n'izakomeza hagati ya Kenya na Sudani y'Epfo, mu ijonjora rya kabiri rizaba mu Ukuboza. Imikino ya CHAN 2024 izakinirwa muri Tanzania, Kenya na Uganda.
Eng
RSS 
TANGA IGITECYEREZO