Kenza Ameloot ufite inkomoko mu Rwanda yageze muri Mexico aho yitabiriye Miss Universe

Mu gihugu cya Mexico giherereye mu Magepfo ya Leta Zunze Ubumwe za Amerika, hagiye kubera irushanwa rya Miss Universe ku nshuro ya 73, rikaba ryaritabiriwe n’abakobwa bahagarariye abandi bavuye mu bihugu bitandukanye ku Isi hose.

Ni irushanwa rizabera muri Mexico bwa mbere kuva mu mwaka wa 2007 aho  rizabera muri Mexico City Arena nk’uko byemejwe na Raúl Rocha Cantú, umwe mu bayobozi bakuru bategura Miss Universe akaba ari nawe nyiri Legacy Holding Group USA Inc.

Ntabwo u Rwanda ntabwo ruhagarariwe muri aya marushanwa y’ubwiza kubera ko ayo marushanwa yabaye ahagaritswe.

Uretse Kenza Johanna Ameloot ugiye kwitabira iri rushanwa ry’ubwiza rya mbere ku Isi, bamwe mu bahagarariye ibuhugu byabo muri Afurika y’Iburasirazuba bazitabira iri rushanwa ni Ilda Amani uvuka i Bukavu akaba ahagarariye DRC, Irene Ng'endo uhagarariye Kenya akaba avuka Juja na Judith Ngusa uhagarariye Tanzania akaba avuka Lindi.

Iri rushanwa riteganyijwe kuba ku wa 16 Ugushyingo, rizasiga hamenyekanye uwegukanye iri Kamba ry’ubwiza agasimbura Sheynnis Palacios ukomoka muri Nicaragua wari ufite iri kamba kuva 18 Ugushyingo 2023.