Mu gitondo cyo kuri uyu wa Kane muri Shampiyona ya Basketball muri NBA, ikipe ya Los Angeles Lakers yatsinzwe Cleveland Cavalier naho Miami Heat itsindwa na New York Knicks imbere y'abafana bayo, Boston Celtics nayo inanirwa gutsinda.
Hari mu gitondo cyo kuri uyu wa Kane itariki 31 Ukwakira 2024 mu masaha yo mu Rwanda, bikaba ku wa gatatu itariki 30 Ukwakira 2024 muri Leta Zunze Ubumwe za Amerika. Hakomezaga Shampiyona ya Basketball izwi nka NBA.
Los Angeles Lakers idahagaze neza muri iyi minsi yongeye gutsindwa na Cleveland Cavaliers amanota 134 ku 110 itsindwa imikino ibiri muri itanu imaze gukina muri iyi Shampiyona y'uyu mwaka w'imikino.
Nubwo Los Angeles Lakers yatsinzwe umukino wo kuri uyu wa Kane, LeBron James we akomeje gahunda yo gutsinda amanota menshi kuko muri uyu mukino niwe watsinze amanota menshi aho yatsinze 26 akora Rebound 6 anatanga imipira itatu yavuyemo andi manota.
Ikipe ya Cleveland Cavalier yo ibarizwa mu Burasirazuba bwa Leta Zunze Ubumwe za Amerika yatsinze umukino yakinagamo na Los Angeles Lakers nuko iba yujuje intsinzi eshanu mu mikino itanu imaze gukina.
Undi mukino watunguye benshi ni uwahuje New York Knicks yasanze Miami Heat imbere y'abafana bayo ikayitsinda amanota 116 ku 107.
Ni umukino Karl-Anthony Touns ukinira New York Knicks yatsinze amanota 44 akora Rebound 13 anatanga imipira ibiri yabyaye andi manota, ahita anatorwa nk'umukinnyi mwiza w'umukino.
Uretse Miami Heat na Los Angeles Lakers zatakaje imikino yayo kuri uyu munsi, Boston Celtics yatsinzwe na Indiana Pacers amanota 135 ku 132, Oklahoma City Thunder itsinda San Antonio Spurs amanota 205 kuri 93.
Kugeza ubu mu Burasirazuba ikipe ya Cleveland Cavalier ni yo ihagaze neza kurusha ayandi kuko mu mikino itanu yose imaze gukina yarayitsinze. Boston Celtics yo imaze gutsinda imikino ine muri itanu na Orland Magic mu makipe amaze gukina imikino itanu yo yatsinze imikino itatu.
Mu Burengerazuba ho ikipe ya Oklahoma City Thunder niyo ihagaze neza kurusha ayandi kuko mu mikino ine imaze gukina yose yarayitsinze. Golden State Warriors yo imaze gukina imikino itanu yatsinzemo imikino ine naho Dallas Mavericks yo ifite intsinzi eshatu mu mikino ine.
/cdn.vox-cdn.com/uploads/chorus_image/image/73690406/usa_today_24630159.0.jpg)
Los Angeles Lakers yatsinzwe na Cleveland Cavaliers ikomeza kwitwara nabi
Miami Heat yatsinzwe na New York Knicks
Eng
RSS 
TANGA IGITECYEREZO