Mu gihe habura igihe gito hakaba amatora ya Perezida wa USA, Kamala Harris wiyamamaza kuri uyu mwanya yamaze gusaba abagabo kumushyigikira, byumwihariko abirabura abaha isezerano rikomeye.
Mu cyegeranyo giherutse gukorwa na CNN cyagaragaje ko 70% by'abagabo b'abirabura aribo bashyigikiye Kamala Harris mu matora ya 2024. Uyu mubare ariko ngo wasubiye inyuma kuko mu 2020 ubwo Harris yiyamamazanyaga na Joe Biden bari bashyigikiwe n'abagabo b'abirabura 85%.
Ibi Kamala Harris yabikomojeho mu bikorwa bye byo kwiyamamaza yakoze ku wa Mbere w'iki Cyumweru tariki 21 Ukwakira 2024, aho yagaragaje ko ashaka amajwi y'abagabo cyane cyane abirabura. Yagize ati: ''Ndabizi ko umubare w'abagabo banshyigikiye wasubiye inyuma cyane abirabura, ariko ndihano kubaha isezerano rishya''.
Kamal Harris yakomeje ati: ''Ndasezeranya abagabo b'abirabura bose bafite ibikorwa by'ubucuruzi nzabaha inkunga ya Miliyoni 1 y'amadolari, ubucuruzi bw'urumogi muri leta bitemewe nzabibahera uburenganzira, nzagabanya ubushomeri cyane kandi nzashyira mu bikorwa ibyifuzo byanyu''.
Yongeyeho ko azi neza ko abagabo b'abirabura badakunze gutegerwa amatwi gusa ngo we natorwa azabumva. Ati: ''Ndabizi abagabo b'abirabura bamaze igihe badahabwa agaciro kandi amajwi yabo ntiyumvwe muri politiki ariko njyewe nzabumva kandi nzashyira mu bikorwa ibyifuzo byanyu''.
Kugeza ubu Kamala Harris uhagarariye ishyaka ry'Abademokarate muri aya matora azaba ku itariki 5 Ugushyingo 2024. Uyu mugore kandi ninawe ukomeje guhabwa amahirwe yo kuzatsinda Donald Trump.
Eng
RSS 
TANGA IGITECYEREZO