Amakipe atandukanye ya Basketball akina Shampiyona ya Leta Zunze Ubumwe za Amerika NBA, arimbanije imyiteguro akina imikino ya Pre-Season yitegura neza Shampiyona ya 2024-25.
Harabura iminsi ibarirwa ku ntoki kugira ngo Shampiyona ya Basketball muri Leta Zunze Ubumwe za Amerika, NBA itangire. Kuri iyo mpamvu amakipe atandukanye ari gukina imikino ya gicuti agamije kureba u rwego rw'abakinnyi bayo ndetse ari no kureba niba azahatana kigabo muri uyu mwaka w'imikino igiye gutangira wa 2024-25.
Guhera ku itariki 22 Ukwakira 2024 nibwo imikino ya shampiyona muri NBA iratangira, izatangira amakipe yose ahura mu byo bita NBA Regular Season.
Mu mikino yo kurushaho kwitegura Shampiyona ya NBA izatangira ku itariki 22 Ukwakira, muri iki gitondo mu mikino yakinwe Detroit Pistons yatsinze Cleveland Cavalier amanota 108 kuri 92.
Mu yindi mikino yabaye Philadelphia 76ers yatsinze Brooklyn Nets amanota 117 kuri 95, Miami Heat itsinda Atalanta Hawks amanota 120 ku 111 naho Chicago Bulls itsinda Minessota Timberwolves amanota 125 ku 123.
Amakipe yose yo muri NBA azamanuka mu mwaka w'imikino wa 2024-25 afite intego yo kubuza Boston Celtics kongera kwegukana iki gikombe dore ko igishyeze ariyo yagitwaye.
Shampiyona ya NBA 2024-25 izaba ifite umwihariko mu ikipe ya Los Angeles Lakers aho LeBron Bronny James azaba ari gukinana mu ikipe imwe na Se umubyara, LeBron James.
Miami Heat yatsinze Atlanta Hawks mu mukino yo kwitegura shampiyona ya NBA 2024-25
Philadelphia mu makipe akomeje kwitegura neza shampiyona ya NBA
Eng
RSS 
TANGA IGITECYEREZO