Nigeria yinjiye mu Muryango w’Abibumbye: Ibyaranze iyi tariki mu mateka y’Isi

Tariki 7 Ukwakira ni umunsi wa 281 mu igize umwaka, hasigaye 85 ukagera ku musozo.

Uyu munsi Kiliziya Gatolika irizihiza Mutagatifu Serge na Justine de Padoue.

Bimwe mu byaranze uyu munsi mu mateka:

1840: Willem II yabaye Umwami w’u Buholandi.

1924: Andreas Michalakopoulos yabaye Minisitiri w’Intebe w’u Bugereki, wayoboye guverinoma igihe gito cyane.

1949: Hashinzwe Repubulika ya Demokarasi y’u Budage, iki gihugu ni cyo cyiswe u Budage bw’u Burasirazuba.

1958: Perezida Iskander Mirza wa Pakistan afashijwe n’umugaba w’ingabo w’iki gihugu Ayub Khan bakuyeho Itegeko Nshinga ryo mu 1956 bashyiraho ko igihugu kigendera ku mategeko ya gisirikare ndetse bakuraho na gahunda y’amatora.

1960: Nigeria yashyizwe mu banyamuryango b’Umuryango w’Abibumbye.

1971: Oman yinjiye mu banyamuryango ba Loni.

1993: Nyuma y’iminsi 103 hari imyuzure ikomeye muri Leta Zunze Ubumwe za Amerika yatewe no kuzura k’umugezi wa Mississippi iyi myuzure yarahagaze.

1998: Yakubiswe na bagenzi be babiri biganaga bamuhora kuryamana n’abo bahuje igitsina Matthew Shepard, yigaga muri Kaminuza ya Wyoming.

2001: Ibitero bya Leta Zunze Ubumwe za Amerika byibasiye Afghanistan byaratangiye, bibimburirwa n’ibyakozwe n’indege nyuma hakurikiraho ibyo ku butaka.

2004: Umwami Norodom Sihanouk wa Cambodia yasimbuwe n’umuhungu we Norodom Sihamoni.

Bamwe mu bavutse uyu munsi:

1952: Vladimir Putin, Perezida w’u Burusiya.

2001: Umwamikazi Senate Seeiso, umukobwa w’Umwami wa Lesotho Letsie III.

Bamwe mu bitabye Imana uyu munsi:

2007: George E. Sangmeister, Umunyapolitiki wo muri Leta Zunze Ubumwe za Amerika.

2010: Milka Planinc, wahoze ari Minisitiri w’Intebe wa Yugoslavia.