Champions League: Real Madrid na Bayern Munich zakubitiwe mu marushanwa yazo, Liverpool ibona intsinzi

Ku mugoroba wo kuri uyu wa Gatatu no mu ijoro ryaho, imikino ya UEFA Champions League yakomezaga aho Makipe akomeye yatunguwe. 

Umukino wari utegerejwe na Benshi muri UEFA Champions League ni uwahuje Real Madrid yo muri Espagne na Lille yo mu Bufaransa.  Ni umukino usa n'uwarangiye ku munota wa 45+3, kuko nibwo Lille yabonye igitego cyayihaye intsinzi cyatsinzwe na Jonathan David.

Uretse umukino wa Real Madrid na Lille, mu Bwongereza kuri Villa Park hari habereye umukino wahuje Aston Villa na FC Bayern Munich muri Champions League. 

Ubwo benshi bari biteze ibisubizo byinshi kuri Bayern Munich, siko byagenze kuko igitego cya Aston Villa Jhon Duran yatsinze ku mukino wa 79 cyatumye Villa yegukana intsinzi ya none. 

Imwe mu makipe akomeye yitwaye neza muri UEFA Champions League ni Liverpool. Mu ijoro ryo kuri uyu wa Gatatu, Liverpool yatsinze Bologna ibitego bibiri ku busa. Ibitego bya Liverpool byabonetse ku munota wa 11 bitsinzwe na Alexis Mac Allister na Mohammed Salah ku munota wa 72. 

Mu yindi mikino yakinwe kuri uyu wa Gatatu muri UEFA Champions League, Sturm Graz yatsinzwe na Club Brugge igitego kimwe ku busa, Juventus itsinda RB Leipzig ibitego 3-2, Dinamo Zagreb igwa miswi na Monaco 2-2, naho Benfica itsinda Atletico Madrid 4-0. 

Kugeza ubu ubwo amakipe yose yamaze gukina imikino ibiri ya UEFA Champions League, amakipe afite amanota atandatu ni Brussia Dortmund, Brest, Benfica, Bayer Leverkusen, Liverpool, Aston Villa na Juventus.

Amakipe amaze gukorera amanota ane ni Manchester City, Inter Milan, Sparta Prague, Arsenal, Sporting, Atalanta na AS Mo naco. 

Bayern Munich yananiwe kwikura mu nzara za Aston Villa 

Real Madrid yari ifite Mbappe yatsindiwe mu maso ya Lille 

Real Madrid mu makipe bagifite amanota atatu gusa 

Liverpool yegukanye intsinzi nyuma yo gutsinda Bologna