Laliga: Real Madrid yabonye amanota atatu ya mbere

Abakinnyi babanje mu kibuga ku ruhande rwa Real Madrid ni Courtois, Carvajal, Militao, Rudiger, F Garcia; Valverde, Tchouameni, Modric; Rodrygo, Mbappe na Vinicius.

Ku ruhande rwa Real Valadolid, abakinnyi babanje mu kibuga ni Hein, Perez, Sanchez, Boyomo, Rosa; Ndiaye, Perez, Comert, Amallah, Moro na  Sylla.

Ni umukino Real Madrid yamanukanye umujinya udasanzwe kubera ko umukino wa mbere wa Laliga Santander 2024-25 itabonye amanota atatu.

Ni umukino amakipe yombi yagorange mu gice cya mbere, kuko cyarangiye ari ubusa ku busa. Mu gice cya kabiri, nibwo Real Madrid yabonye igitego cya mbere ku munota wa 50 gitsinzwe na Federico Varvelde.

Ku munota wa 88, Brahim Diaz yatsinze igitego cya kabiri ku mupira yahawe na Eder Militao, naho ku munota wa 90+6 Endrick yatsindiye Real Madrid igitego cya gatatu ku mupira yahawe na Brahim Diaz.

Kubona amanota atatu, byashimishije cyane abakunzi ba Real Madrid, kuko iyi niyo ntsinzi ya mbere yabonye muri Shampiyona ya Espagne Laliga Santander 2024-25. 

Ubu Real Madrid iri kurwana no  kwisubiza iki gikombe cya Shampiyona, ubu imaze kugira amanota ane, mu gihe mukeba FC Barcelona yo imaze kugira amanota atandatu. 

Real Madrid yabonye amanota atatu ya mbere muri Shampiyona ya Espagne Laliga Santander 2024-25 

Endrick w'imyaka 18 y'amavuko, yatangiye gushyira itafari ku umusaruro wa Real Madrid