EPL: Liverpool itaraguze umukinyyi n'umwe yatsinze Brentford

Liverpool yari yakiriye Brentford kuri Anfeld Road, umukino w'umunsi wa Kabiri wa Shampiyona y'u Bwongereza English Premier League.

Abakinnyi babanje mu kibuga ku ruhande rwa Liverpool ni Alison, Alexander-Arnold, Konate, Van Dijk, Robertson; Gravenberch, Szoboszlai, Mac Allister; Salah, Diaz na Jota

Abasimbura ba Liverpool bari Kelleher, Quansah, Gomez, Tsimikas, Bradley, Endo, Elliott, Gakpo na Nunez.

Ku ruhande rwa Brentford, abakinnyi babanje mu kibuga ni Flekken; Collins, Pinnock, Ajer, Roerslev, Janlet, Norgaard, Jensen, Lewis-Potter; Mbeumo na Wissa

Abasimbura bayo bari Valdimarsson, Van den Berg, Mee, Yarmoliuk, Trevitt, Onyeka, Damsgaard, Carvalho, Schade.

Liverpool yamanukanye imbaraga zidasanzwe mu mukino, cyane ko amakipe yo mu Bwongereza ataramenyera imikinire y'umutoza mushya Arne Slot.

Abakinnyi ba Liverpool bifashishije ubuhanga bwa Arne Slot, ku munota wa 13 binjije igitego cya mbere cyatsinzwe na Luis Diaz, ku mupira yahawe na Diego Jota.

Igitego cya Luis Diaz, ni nacyo cyasoje igice cya mbere. Mu gice cya kabiri, Liverpool yagarukanye imbaraga zidasanzwe, maze ku munota wa 70, Mohammed Salah ayitsindira igitego cya kabiri, ku mupira yahawe na Luis Diaz.

Umukino warangiye Liverpool itsinze ibitego bibiri ku busa bwa Brentford.

Gutsinda uyu mukino, byatumye Liverpool iza mu makipe ataratakaza umukino n'umwe. 

Kugeza ubu amakipe ataratakaza umukino n'umwe ni Arsenal, Manchester City, Liverpool na Brighton and Hove Alibions. 

Liverpool ibifashijwemo na Luis Diaz na Mohammed Salah yatsinze Brentford 

Luis Diaz akomeje kugaragaza imbaraga zidasanzwe muri Liverpool 

Mohammed Salah nawe akomeje kuba umucunguzi wa Liverpool