Impundu kwa Justin Bieber wibarutse imfura

Mu ijoro ryo ku wa Gatanu w’icyumeru gishize nibwo umuhanzi kabuhariwe Justin Bieber, yatangaje ko we n’umugore we Hailey Baldwin bibarutse imfura y’umuhungu. Ni mu gihe muri Werurwe aribwo batangaje ko bitegura kwibaruka.

Aya makuru meza Justin Bieber yayanyujije ku rukuta rwa Instagram ye aho yashyuziho ifoto y’ikirenge cy’umwana we ariho ukukoko kwa Nyina. Ati: ‘Urakaza neza mu rugo Jack Blues Bieber’'. Ibi byatumye abafana be n’abandi bamukurikirana bamuha ‘Congratulations’ banamwifuriza kuba umubyeyi mwiza.

Nubwo uyu muhanzi uvuka muri Canada ntamagambo menshi yashyize kuri ubu butumwa bwe, gusa ubu yagize icyo abivugaho.

Ni mu kiganiro gito yagiranye n’ikinyamakuru Rolling Stones, aho yibanze ku marangamutima afite kuva yaba umubyeyi.

Yagize ati: “Ntabwo byoroshye gushyira mu magambo uko niyumva gusa n’ibyishimo kuri njye n’umugore wanjye. Nashimye Imana yaduhaye umwana w’umuhungu akavuka neza. Narimfite ubwoba ko hashobora kubamo ikibazo gusa byose byagenze neza”.

Bieber w’imyaka 30 yongeyeho ko kugeza n’ubu atarabyakira neza ko ari ‘umu papa’.

Uyu muhanzi wamamaye mu ndirimbo nyinshi, yibarutse imfura yari amaze imyaka 6 arushinze n’umunyamideli Hailey Baldwin.

Muri Werurwe nibwo umuryango wa Bieber watangaje ko witegura kwibaruka

Hashize iminsi 2 gusa Justin n’umugore we bibarutse imfura y’umuhungu 

Amashimwe ni yose kuri Justin Bieber nyuma yo kwibaruka