Nyuma y’uko Joe Biden atangaje ko atacyiyamamarije kuyobora Amerika, Umuhanzikazi Ariana Grande yatangaje ko ashyigikiye Kamala Harris ndetse asaba abafana be kumutora agahangana na Donald Trump mu matora ateganyijwe mu mpera z’uyu mwaka.
Nk’uko byari byitezwe,
Joe Biden yamaze gutangaza ko atacyiyamamarije kongera kuyobora Amerika nk’uko
yari yarabisabwe n’abayobozi bakuru bo mu ishyaka rye kuko imbaraga zimaze
kumubana nke.
Joe Biden mu gutangaza ko
atazongera kwiyamamaza, yatangaje ko Vice President we, Kamala Harris ariwe
ukwiye guhita amuhuhira mu ngata agakomeza ibikorwa byo kwiyamamaza ndetse
abantu benshi bakaba barimo baha umugisha icyo kifuzo cya Joe Biden.
Umuhanzikazi Ariana
Grande yahise ajya kuri Instagram ashyiraho ifoto Kamala Harris ari kumwe
na Joe Biden asaba abantu kwiyandikisha bakamutora kugira
ngo atangire ibikorwa byo kwiyamamaza no kwitegura amatora.
Ku mahirwe ishyaka rya
Democrats ryari rifite yo gutsinda amatora ateganyijwe mu mpera z’uyu mwaka,
yiyongereye kubera ko Joe Biden wagaragazaga intege nke mu bikorwa bye yikuye
mu guhagararira iri shyaka mu matora.
Nyamara nubwo benshi
bemeza ko amahirwe y’iri shyaka yiyongereye, Donald Trump akimara kumva ko Joe
Biden atacyiyamamaje ahubwo ashobora kuzahangana na Kamala Harris, yahise
atangaza ko gutsinda Kamala Harris aribyo byoroshye kurusha gutsinda Joe Biden.
TANGA IGITECYEREZO