Messi yujuje imyaka 37: Twinjirane mu byaranze uyu munsi mu mateka

Hari byinshi biba byarabaye kuri iyi tariki mu bihe byashize, ariko buri munsi InyaRwanda yiyemeje kujya ikugezaho bimwe mu by’ingenzi byayiranze mu mateka.

Ibyaranze uyu munsi mu mateka:

1910: U Buyapani bwagabye ibitero muri Korea burayigarurira.

1963: Nibwo bwa mbere mu Bwongereza hagaragaye amashusho akoze mu buryo bwa Video.

1976: Habayeho ukwiyunga kwa Vietnnam nk’igihugu kimwe.

1983: Yaser Arafat yirukanywe i Damas, kugira ngo atabakururira ibibazo by’umutekano mucye. Nubwo yahanganaga na Israel cyane mu gihe hafi ya cyose cy’ubuzima bwe, abanditsi bo muri Palestine bemezaga ko afite inkomoko muri Israel na Maroc na ho amazina ye nyakuri akaba Abd Raouf Al Qoudouwa. Yahirimbaniye cyane ubwigenge busesuye bwa Leta ya Palestine nk’igihugu, atabaruka atabigezeho.

1989: Nibwo Jiang Zemin yabaye Perezida w’u Bushinwa.

1994: i Toulouse, muri France, Kompanyi Airbus yashyize ahagaragara indege itwara imizigo myinshi kurenza izindi zose zakozwe mbere yayo mu mateka y’indege. Iyi ndege itwara imizigo yiswe kandi "Super Transporter."

1999: Mu cyamunara, Guitare (Fender Stratocaster 1956) ya Eric Clapton yahimbiyeho indirimbo "Layla", yagurishijwe amadolari 497 500 (angana na miliyoni 294 z’amafaranga y’u Rwanda)

2002: Impanuka ya Gari ya moshi yabuze feri yabereye hagati ya Dar es Salaam na Mwanza, ihitana abantu 200, hakomereka 800.

2010: I Kigali mu Rwanda (quartier Nyakabanda) harasiwe umunyamakuru Jean Léonard Rugambage wari Umwanditsi Mukuru (Chief Editor) w’ikinyamakuru Umuvugizi.

Mu byamamare byitabye Imana kuri iyi tariki harimo umuraperi Cristiano Araujo, Grover Cleveland wabaye Perezida wa 22 n'uwa 24 wa Leta zunze ubumwe za Amerika, umukinnyi wa filime David Tomlinson, umukinnyi wa filime Billy Drago, umukinnyi w'umupira w'amaguru Kenny Washngton, umuraperi Fame Reek n'abandi benshi.