Tariki ya 22 Kamena ni umunsi wa 173 w’umwaka. Uyu mwaka usigaje iminsi 192 ngo ugere ku musozo.
Hari byinshi biba
byarabaye kuri iyi tariki mu bihe byashize, ariko buri munsi InyaRwanda
yiyemeje kujya ikugezaho bimwe mu by’ingenzi byayiranze mu mateka.
Bimwe mu byaranze uyu
munsi mu mateka:
431: Hatangiye
inama y’abayobozi ba Kiliziya Gatolika yabereye muri Ephese (Concile d’Ephèse).
1815: Napoléon
Ier yeguye ku bwami bw’u Bufaransa.
1940: Hasinywe
amasezerano yo kurangiza intambara hagati y’u Bufaransa n’u Budage.
1948: Hasinywe
umwanzuro wa 52 w’Akanama ka Loni gashinzwe Amahoro ku Isi uvuga ku igenzura
mpuzamahanga ku ngufu zifitemo uburozi (énergie atomique)
1980: Marie
Guyard yagizwe umuhire.
Bimwe mu bihangange
byavutse kuri iyi tariki:
1684: Francesco
Manfredini, umuhanga muri muzika ukomoka mu Butaliyani.
1757: George
Vancouver, umusirikare mukuru mu bijyanye n’amato yo mu nyanja n’umuvumbuzi
ukomoka mu bihugu by’u Bwongereza.
1887: Julian
Huxley, umuhanga mu binyabuzima, umufilozofe, umwarimu n’umwanditsi w’ibitabo
ukomoka mu bihugu by’u Bwongereza.
1888: Selman
Waksman, umuhanga mu bijyanye na mikorobe ukomoka muri Amerika wahawe igihembo
cya Nobel cy’Ubuvuzi mu mikorere y’umubiri (Prix Nobel de Physiologie ou
Médecine) mu 1952.
1910: Enjeniyeri
Konrad Zuse wahimbye imibare ya porogaramu (pionnier du calcul programmable).
1947: Pete
Maravich, umukinnyi wa Basketball ukomoka muri Amerika.
1984: Nicolas
Godemeche, umukinnyi wa ruhago ukomoka mu Bufaransa.
Bimwe mu bihangange
byatabarutse kuri iyi tariki:
1276: Papa
Innocent V wasimbuye Gregoire X.
1925: Felix
Klein, umuhanga mu mibare ukomoka mu Budage.
1942: August
Froehlich, umupadiri ukomoka mu Budage wishwe n’Abanazi kubera kurengera
Abagatolika mu Budage no kuvuganira abakozi bakomokaga muri Pologne
bakoreshwaga imirimo ivunanye.
1995: Yves
Congar, umukaridinali wo mu muryango w’Abadominikari akaba n’umuhanga mu
nyigisho z’iyobokamana ukomoka mu Bufaransa
Abatagatifu Kiliziya
Gatolika yizihiza uyu munsi:
Hari Aaron, Alban,
Consorce, Eusèbe na Paulin.
TANGA IGITECYEREZO