Adekunle Gold akigera i Kigali yahishuye ibyo yaganiriye n'inshuti ze ku Rwanda -VIDEO

Adekunle Gold utegerejwe muri BK Arena ku wa 24 Gicurasi 2024 aho azataramira abazitabira ifungurwa ry’imikino ya nyuma ya BAL.

Uyu mugabo wageze i Kigali ku mugoroba wo ku wa 22 Gicurasi 2024, yagarutse ku kiganiro gitangaje yagiranye n’inshuti ze bavuga ko u Rwanda ari intangarugero.

Mu kiganiro n’itangazamakuru akigera mu Rwanda yagize ati”Ubwo narindimo nza narimo nganira n’inshuti zanjye ku buryo u Rwanda ruri mu bihugu bya Afurika biri ku muvuduko wo hejuru mu bukungu, guhanga udushya n’ibindi byose.”

Agaragaza ko biteye ishema ati”Kandi birashimishije kubona uburyo iki gihugu kiri ku ruhembe rw’imbere. Ndizera ko ibindi bihugu bitandukanye bya Afurika biri kwigira ku byo murimo gukora.”

Yagarutse kandi ku ngingo ijyanye n’uburyo abanyarwanda bakira, ati”Kandi nshaka kuvuga ko nishimira iteka urukundo munyereka mbona inyunganizi, uburyo mwakiramo indirimbo zanjye.”

Yongeraho ati”Ndibuka ubwo natangaza ko nzaza hano nabonye uburyo mwanyeretse ko mwishimiye ko ngiye kugaruka ndabashimira.”

Juno Kizigenza akaba ari we uzahurira ku rubyiniro rumwe na Adekunle Gold, uyu mugabo kandi yavuze ko yanaje mu biruhuko by’igihe gito mu Rwanda.

Yifuza kongera gutembera Mont Kigali n'undi muntu waba yumva yamurangira ahandi hantu yasura byaba ari byiza abimubwiye akabasha kubyaza umusaruro igihe gito afite mu Rwanda.

KANDA HANO UREBE IKIGANIRO NA ADEKUNLE UBWO YAGERAGA I KIGALI

">

Adekunle Gold yagaragaje ko u Rwanda rukomeje kuza imbere muri byinshi mu bukungu no guhanga udushya Yavuze ko yishimira iteka uko abakunzi b'umuziki bakira ibihangano byumwihariko abanyarwanda