King James, Butera Knowless, Bushali mu basusurukije umunsi wa kabiri wo kwamamaza Abakandida ba FPR

FPR Inkotanyi yakomereje mu Karere ka Rubavu mu bikorwa byo kwamamaza abakandida bayo ku mwanya wa Perezida n'Abadepite, ahahuriye abaturage ba Rubavu, Rutsiro na Nyabihu.

Abahanzi bamwe bari bakoze ku munsi wa mbere bongeye kugaruka ku munsi wa kabiri wo kwiyamamaza, abo ni nka Bruce Melodie na Bwiza bafatanije kuririmba indirimbo ‘Ogera’ ari ko banunganirana mu zirimo ‘Selebura’ na ‘Ndumiwe’.

Chriss Eazy we yifashishije indirimbo zirimo ‘Jugumila’ yakoranye na Phil Peter na Kevin Kade, kimwe na ‘Bana’ yakoranye na Shaffy, zose zikaba ziri mu zikunzwe cyane.

King James yakoresheje ‘Ndagutegereje’, ‘Ganyobwe’ na ‘Umuriro watse’ naho Butera Knowless akoresha ‘Baramushaka’. Bushali yakoresheje ‘Nituebue’ yakoranye na Slum Drip na B Threy.

Umunsi wa mbere wo kwiyamamaza, abahanzi baherekeje abakandida ba FPR Inkotanyi, ni Bruce Melodie, Ikospeed, Bwiza, Riderman, Dr Claude, Ariel Wayz, Igisupusupu n’abandi.

Ibikorwa by'umunsi wa Gatatu wo kwiyamamaza kw'Abakandida ba FPR Inkotanyi, birakomeza kuri uyu wa Mbere tariki 24 Kamena 2024 muri Ngororero na Muhanga.Riderman na Ariel Wayz mu bafunguye umunsi wa mbere wo kwiyamamaza ku ruhande rwa FPR InkotanyiBruce Melodie amaze gutaramira abitabiriye iminsi ibiri yo kwiyamamaza abakandida ba FPRDr Claude wakiriwe neza ku munsi wa mbere, yitwaye neza no ku munsi wa Kabiri Ibyishimo byari byose ku bitabiriye ibikorwa byo kwiyamamaza Abakandida ba FPR InkotanyiPerezida Kagame yakiranwe n'urugwiro n'abanyarwanda bose muri rusange