Umukinnyi wa Manchester City yavuze ku bafana ba Arsenal bagiye guturitsa imiriro kuri hoteli

Ku wa Kabiri saa tatu z'ijoro ni bwo ikipe ya Tottenham Hotspur yakiraga Manchester City kuri Tottenham Hotspur Stadium mu mukino w'ikirarane cya shampiyona y'icyiciro cya mbere mu Bwongereza.

Ni umukino waje kurangira Manchester City itsinze ibitego 2-0 bya Erling Haaland ihita ifata umwanya wa mbere n'amanota 86. 

Mbere y'uyu mukino, abafana b'ikipe ya Arsenal bari bari inyuma ya Tottenham Hotspur kugira ngo ibatsindire Man City ubundi bakomeze ku mwanya wa mbere, hanyuma bazatsinde umukino umwe usigaye begukane igikombe.

Usibye ibi kandi hari n'amashusho yari yiriwe acaracara ku mbuga nkoranyambaga kuwa Kabiri aho abafana b'iyi kipe y'abarashi bagiye guturitsa imirimo (Fire works) mu ijoro kuri hoteli bari bazi ko irimo abakinnyi ba Manchester City bagira ngo bababuze gusinzira, gusa ku bw'amahirwe macye banasanga atariho bari.

Nyuma yo gutsinda, Kayle Walker yagarutse kuri aba bafana agira ati "Ndamutse ntishimiye igitutu, naba ndi mu kazi katari keza ndetse n'ikipe itari nziza. Iyi ni imikino uba wifuza gukina nk'umukinnyi w'umupira w'amaguru. Nijoro ntabwo nashoboye gusinzira, naraye ngowe no gusinzira. Bumvise ngo bagerageje kuturitsa imiriro nijoro ariko ntitwari duhari, batubuze".

Birasa nk'aho abafana ba Arsenal bakuye amaso ku gikombe cya shampiyona y'icyiciro cya mbere mu Bwongereza kubera ko kugeza ubu Manchester City irasabwa gutsinda umukino umwe isigaranye izakiramo West Ham United kuri Etihad Stadium.

Abafana ba Arsenal baturitsa imiriro mu ijoro

Kayle Walker yavuze ko yumvise ko abafana ba Arsenal bagiye guturitsa imiriro kuri hoteli ariko bakaba atariho bari bari