Akina nk'ikimanuka: Byinshi kuri Aitana Bonmati wa FC Barcelona mu bagore

Aitana Bonmati wavukiye muri Esipanye, ni umwe mu bakinnyi b'abagore bakomeje kwibazwaho ko bagomba gutanga akazi kenshi mu kibuga, ukurikije n'igihe basigaje ngo basezere kuri ruhago.

Ku itariki 30 Ukuboza 2023, Aitana Bonmati yatowe nk'umukinnyi uhiga abandi bagore ku Isi, ubwo yahabwaga igihembo cya Ballon D'or, mu bagabo kigahabwa Leo Messi.

Aitana Bonmati  yabonye izuba ku itariki 18 Mutarama 1998, avukira mu gace ka Vilanova i la Geltrú, Catalonia, muri Esipanye.

Aitana Bonmati yavutse ku babyeyi babiri b'abarimu, nyina yitwa Rosa Bonmati Guidonet   naho Se akaba Vincent Conca Ferras.

Bakimara kwibaruka mu 1998, bahisemo kumwita Aitana Bonmatí Conca.

Aitana Bonmati wakuze yarihebeye Xavi Hernandez wakinaga mu kibuga hagati muri FC Barcelona, nawe yakundaga gukina umupira, ariko  iyi kipe yaba yakinnye bikaba ari ihame ko ababyeyi be bamujyana kumureba.

Aitana Bonmati, agitangira gukina umupira mu ishuri ry'abato, yahisemo gukina mu kibuga hagati, kubera ko ari naho Xavi Hernandez yakinaga.

Mu  2005, Aitana Bonmati yatangiye kugera ku inzozi ze, kubera ko yatangiye gukinira Ribes Academy, ayikinira kugera mu 2009.

Kuva muri 2010, Aitana Bonmati yerekeje muri Cubelles Academy, ayikinira kugera muri 2012.

Kuva mu 2012 kugera mu 2014, Aitana Bonmati yagiye muri FC Barcelona mu bakiri bato. Muri iyo myaka kandi  yananyuzagamo agakinira FC Barcelona ya kabiri, dore ko abatoza bamubonagamo  kuzaba umukinnyi mwiza ukina mu kibuga hagati.

Muri 2016, Aitana Bonmati yazamuwe muri FC Barcelona nkuru, kugeza ubu ni nayo agikinira.

Mu myaka umunani Aitana Bonmati amaze akinira FC Barcelona nkuru mu bagore, amaze kuyikinira imikino 176, ayitsindira ibitego 60 kandi akina mu kibuga hagati.

 Aitana Bonmati yakiniye imikino ibiri intara ya Cataloña, ayitsindira igitego kimwe. Bonmati kandi yakiniye ikipe y'igihugu ya Esipanye mu batatengeje Imyaka 17 mu mikino 13 yatsinze ibitego bitatu.

Mu batarengeje imyaka 19, Aitana Bonmati yakinnye imikino 15, atsinda ibitego bitandatu, mu batarengeje imyaka 20 akina imikino Icyenda atsinda ibitego bibiri.

Mu ikipe y'igihugu ya ya Esipanye nkuru mu bagore, Aitana Bonmati yakinnye imikino 63 atsinda ibitego 23.

Hamwe n'ikipe y'igihugu ya Esipanye, Aitana Bonmati yegukanye ibikombe bitandukanye. Muri 2023 Esipanye yegukanye igikombe cy'Isi mu bagore igikura muri Austria na New Zealand.

Mu 2024 kandi, Aitana Bonmati yafashije Esipanye kwegukana UEFA Womens National League, igikombe cyakiniwe mu Buholandi na Esipanye.

Mu  2018, Aitana Bonmati yafashije Esipanye mu batarengeje imyaka 20, kwegukana igikombe Cy'Isi cyabereye mu Bufaransa.

Mu mwaka w'imikino wa 2022-2023, Aitana Bonmati yatowe nk'umukinnyi mwiza muri UEFA Champions League mu bagore, arongera atorwa nk'umukinnyi witwaye neza mu gikombe cy'Isi cyabereye muri Austria na New Zealand.

Aitana Bonmati, ni Umunya Esipanye ukinira FC Barcelona mu bari n'abategarugori, gusa akaba afite ubuhanga budasanzwe mu kibuga hagati 

Bonmati yafashije Esipanye kwegukana ibikombe bitandukanye 

Aitana Bonmati niwe uherutse kwegukana igihembo cya Ballon D'or mu bagore