Premier League: Man United yongeye kuburirwa uburyo, Chelsea igwa miswi na Everton

Kuri Old Trafford Manchester United yari yakiriye Bournemouth mu mukino w'umunsi wa Cumi na Karindwi wa Shampiyona y'u Bwongereza English Premier League 2024-25. 

Ni umukino Manchester United yatangiye ishaka kuwutsinda ngo ive mu myanya mibi, abakinnyi bayo bari bari gukina mu myanya y'imbere bagerageje uburyo butandukanye gusa abugarizi ba Bournemouth bahagaze neza Manchester United yashakaga gutangirana igitego birayigora. 

FC Bournemouth yamanutse mu kibuga idahabwa amahirwe yo gutsinda umukino niyo yaje kwinjira mu mukino mbere ya Manchester United, kuko yafunguye amazamu Ku munota wa 29 Ku gitego cyatsinzwe na Dean Huijsen.

Manchester United ikimara gutsindwa igitego cya mbere, yagumye kugerageza amashoti ibifashijwemo na Bruno Fernandes, Kobbie Maino na Jossua Zrikizee, igice cya mbere kirinda kirangira itarabona igitego cyo kwishyura.

Igice cya kabiri cyagarutse Manchester United ikora impinduka mu busatirizi butari buri kwitwara neza, ku munota wa 53 Rasmus Hojlund na Alejandro Granacho bajya mu kibuga basimbura Jossua Zrikizee na Manual Ugarte.

Gukora impinduka ku ruhande rwa Manchester United ntacyo byabamariye kuko ku munota wa 61 myugariro wayo Noussair Mazouraui yategeye Justin Kluivert mu rubuga rw'amahina maze Justin Kluivert aza gutsinda penaliti yari ihawe Bournemouth. 

Nyuma y'iminota itatu Bournemouth ubonye igitego cya kabiri, Ku munota wa 64 Antoine Semenyo yatsinze igitego cya gatatu nyuma y'uburangare bwa ba myugariro n'amakosa y'umuzamu Andre Onana.

Manchester United yakomeje kugorwa n'umukino Bournemouth yagumye kuyatsaho umuriro, umukino urinda urangira itabinye n'igitego cy'impozamarira.

Gutsindwa uyu mukino byatumye Manchester United iguma ku manota 22, Bournemouth yo igira amanota 28.

Manchester United yongeye gutsindwa na Bournemouth

Ibintu bikomeje kuba bibi Ku ruhande rwa Manchester United

Ku rundi ruhande mu mujyi wa Liverpool, Everton yari yakiriye Chelsea ikomeje kwitwara neza hamwe n'abakinnyi bayo bakiri bato. 

Wari umukino wa mbere Everton ikinnye iri mu maboko mashya kuko iherutse kujya mu biganza bya nyiri AS Roma yo mu Butaliyani. Everton benshi bari biteze ko iza gutsindwa, yihagazeho igice cya mbere kirangira inganya na Chelsea ubusa ku busa.

Mu gice cya kabiri ntabwo amakipe yombi yagumye kugorana umukino urangira anganya ubusa Ku busa, Chelsea igira amanota 35 naho Everton igira amanota 16.

Chelsea imaze iminsi mu bihe byiza yananiwe gutsinda Everton