'Gukorana na Harmonize ni ukwisuzuguza' Baba Levo imandwa ya Diamond - VIDEO

Mu kiganiro yagiranye n’itangazamakuru kuru uyu wa Gatatu tariki ya 03 Werurwe 2024, Umuhanzi Baba Levo nibwo yashyize atangaza ko yamaze kubabarira Harmonize bigizwemo uruhare na Diamond Platnumz wabunze kubwo kuba Harmonize yari yarakubise Baba Levo agasanga nta kindi cyo gukora uretse kurega mu butabera.

Baba Levo yahishuye ko bashatse ko akorana indirimbo na Harmonize kugira ngo bagaragaze ko biyunze nta kibazo kirimo hanyuma abitera utwatsi kuko yari afite abandi bahanzi benshi bo gukorana nawe indirimbo kandi kubabarira Harmonize bidasobanuye guhita bakorana indirimbo.

Abajijwe impamvu atakwemera gukorana indirimbo na Harmonize kandi ari umuhanzi mwiza mu gihugu cya Tanzania ndetse no muri Afurika y’iburasirazuba, Baba Levo yatangaje ko yakoranye indirimbo na Diamond Platnumz bityo kongera gukorana indirimbo na Harmonize byaba ari ugusubira inyuma ahubwo arajwe ishinga no gukorana n’abahanzi bakomeye ku Isi.

Baba Levo yagize ati “Indirimbo mperuka gukora nayikoranye na Diamond kongera gukorana na Harmonize byaba ari ukwisubiza inyuma. Ndashaka gukomeza gutera imbere nkorane na Davido, Burna Boy, Justin Bieber urumva gusubira inyuma aho reka reka.”

Nyamara nubwo yavuze ko atakorana indirimbo na Harmonize, Baba Levo yatangaje ko Harmonize ari umuhanzi mwiza ndetse yakoze indirimbo nziza “Single again” ariko kuba bakorana byaba ari ukwisuzuguza cyane.

Baba Levo yatangaje ko adateze gukorana indirimbo na Harmonize

Baba Levo yatangaje ko nyuma yo gukorana indirimbo na Diamond agiye gukorana indirimbo na Harmonize yaba yisuzuguje

Reba ikiganiro umuhanzi akaba n'umunyamakuru, Baba Levo yagiranye n'itangazamakuru.

">