Mu mezi 15 abantu 55 bapfiriye mu mazi ya Burera na Ruhondo

Ibi byatangajwe na Polisi y'Igihugu ishami rishinzwe umutekano wo mu mazi kuri uyu wa Kabiri Tariki ya 2 Mata 2024 mu  bukangurambaga bwabereye mu cyumba cy'inama cy'Ikigo cy'Ubutore cya Nkumba, mu Murenge wa Kinoni mu karere ka Burera.

Ishami rya Polisi rishinzwe umutekano wo mu mazi, ryagaragaje ko mu Biyaga bya Burera na Ruhondo ari hamwe mu habera impanuka  zo mu mazi kuko mu mezi atatu ashize hapfiriyemo abantu 12  mu gihe umwaka  ushize wa 2023 muri ibyo biyaga  harohamyemo abantu 43 nkuko byagaragajwe na ACP Mwesigye Elias umuyobozi w'ishami rishinzwe umutekano wo mu mazi muri Polisi  y'Igihigu .

Umuyobozi w'Akarere,Mukamana  Soline  mu butumwa yagejeje Ku  abaturage b'Umurenge wa Kinoni  ubwo baganiraga ku ngamba zo gukumira no kurwanya impanuka zibera  mu Biyaga bya Burera na Ruhondo zigahitana ubuzima bw'abaturage.yasabye abitabiriye ubukanguramba kwirinda ibishobora kuba intandaro y'impanuka zibera muri ibyo biyaga .

Ubu bukangurambaga bwo kurwanya impanuka zo mu mazi bwanitabiriwe na ACP Edmond Kalisa  umuyobozi wa Polisi y'Igihigu mu Ntara y'Amajyaruguru n'abayobozi mu Nzego z'Ibanze  barimo Abanyamabanga Nshingwabikorwa b'Imirenge ikora ku Biyaga bya Burera na Ruhondo .

Umubare w'abantu bapfuye bahitanwe n'impanuka zabereye mu biyaga bya Burera na Ruhondo mu mezi 15 bagera kuri 55.