Zinedine Zidane yatoza amakipe 3 atarimo Manchester United

Uyu mutoza ni umwe mu bari kuvugwa mu makipe menshi atandukanye bitewe n'imibare myiza yakuye muri Real Madrid ndetse akaba nta n'akazi afite kuva yayivamo. Manchester United ni imwe mu zo ari kuvugwamo nyuma yaho Sir Jim Ratcliffe ayiguzemo imigabane gusa ngo ntabwo iri mu makipe afite gahunda yo gutozamo.

Ibi byatangajwe na Thomas Gravesen wakinanye na Zinedine Zidane mu ikipe ya Real Madrid agira ati "Naganiriye na Zidane i Madrid mu myaka ibiri ishize ambwira ko hari amakipe 3 gusa yakwifuza gutoza. Ni Marseille, Real Madrid n'ikipe y'igihugu y'Ubufaransa. Abimbwira twari i Madrid."

Ni byo koko uyu mutoza yarafite gahunda yo kuzatoza ikipe y'igihugu y'u Bufaransa nyuma y'igikombe cy'Isi cya 2022 ariko biza kurangira, Didier Deschamp yongereye amasezerano bitewe n'akazi yaramaze gukora ageze ikipe ku mukino wa nyuma nubwo byarangiye batsinzwe na Argentine.

Ubwo bivuze ko ikipe isigaye Zidane yatoza ari Marseille ikina shampiyona y'ikiciro cyambere mu Bufaransa kubera ko na Real Madrid yongereye amasezerano ya Carlo Ancelotti.

Kuva muri 2016 ubwo uyu mutoza yatozaga ikipe ya Real Madrid kugeza muri 2021 yatwaranye nayo ibikombe birimo 3 bya UEFA Champions League ndetse na 2 bya shampiyona.

Zinedine Zidane watoza amakipe 3 gusa atarimo Manchester United amaze iminsi ari kuvugwamo