Imvune ya Jude Bellingham ishobora gutuma adakina na Leipzig muri Champions League

Byagaragaye ko imvune ya Jude Bellingham atari ngombwa ko ayikiniraho, ubwo Real Madrid yatsindaga Girona ibitego bine ku busa. Icyo gihe nibwo imvune ya Jude Bellingham byagaragaye ko ukomeye cyane.

William Victor Jude Bellingham, ku wa Gatandatu Real Madrid yatsindaga Girona ibitego bine ku busa, Jude yatsinzemo ibitego bibiri. Ninayo mpamvu y'ubwoba abakunzi ba Madrid bafite, bibaza icyo bazakora imbere ya RB Leipzig badafite Jude Bellingham.

Nubwo ibi biteganywa, Real Madrid ntabwo iragaragaza neza uko imvune ya Jude Bellingham iteye, ndetse n'igihe izamara kugira ngo agaruke mu Kibuga.

Kuva Jude Bellingham yagera muri Real Madrid mu mpeshyi ya 2023, amaze gukinira  iyi kipe  imikino 31, ubu yayitsindiye ibitego 20. Brussia Dortmund ndetse yatangiye kuvuga ko yaba yarahenzwe kuri uyu mukinnyi.

Gusa, nubwo Real Madrid yazakina na RB Leipzig idafite Jude Bellingham, umutoza wayo Carlo Ancellotti, yizereye mu bandi kakinnyi barimo Vinicius Junior na Rodryigo.

Jude biteganyijwe ko ashobora gusiba imikino itandukanye Real Madrid ifite muri uku kwa Kabiri. Iyo ni RB Leipzig muri UEFA Champions League, Rayo Vallecano na FC Sevilla muri shampiyona ya Espgne, bakongera gukina na Leipzig mu mukino wo kwisyura wa UEFA champions league.

Si Real Madrid gusa ishobora gukomwa mu nkokora n'imvune ya Jude Bellingham, ikipe y'igihugu y'u Bwongereza nayo, ishobora kumubura mu mikino ya Gicuti, ifitanye na Brazil ndetse n'u Bubiligi mu kwezi gutaha.

Real Madrid igiye gukomwa mu nkokora n'imvune ya Jude Bellingham

Imvune ya Jude Bellingham ntabwo iratangazwa igihe izakirira