DJ Toxxyk na DJ Kii bagiye gutaramira muri Arizona na Edmonton

DJ Toxxyk uri mu bamaze gushinga imizi uheruka gususurutsa ibihumbi 6 byitabiye Rwanda Day ya 11 i Washington DC yaba mu gikorwa nyirizina no mu byagiherekeje.

Akaba kandi yanakoranye n’abavanzi b’umuziki bandi nka DJ Kii agiye kongera guhurira mu bindi bikorwa n’iyi nkumi yataramiye mu Rwanda mu ntangiro  za 2024.Amaze no kugwiza ibigwi mu bihugu bya Uganda, Kenya na Ethiopia.

Nk'uko aba bombi babisangije aba bakurikira ku wa 10 Gashyantare 2024 bazataramira Phoenix muri Arizona ho muri Leta Zunze Ubumwe za Amerika.

Ibirori bya Kigali 2Kla Nite bazataramiramo bikaba byarateguwe na Q Digital na AfroHub Ent bizabera  muri DD Hookah Lounge.

Ku wa 16 Gashyantare 2024 bazongere bahurire mu birori bya The Return byateguwe na Goodvibz ifatanije na Delishear Entertainment bizabera muri Edmonton muri Canada.

Muri iki gihugu bakaba bazanahataramira 17 Gashyantare 2024 mu birori byateguwe na This No Limit.

DJ Toxxyk ubusanzwe akaba yarabonye izuba muri 1993 mu gihugu cya Repubulika Iharanira Demokarasi ya Congo kuri Nyina w’Umunyarwandakazi na Se w’Umushinwa w’Umubiligi.

Guhera afite imyaka itatu we na Nyina umubyara bimukiye i Kigali ariho yakuriye, yigira anatangira ibikorwa bye byo kuvangira umuziki ubu akaba agenda ataramira mu bihugu bitandukanye.

Mu gihe DJ Kii yavukiye muri California mu 2002 ku babyeyi bakomoka muri Uganda na Repubulika Iharanira Demokarasi ya Congo.DJ Toxxyk uri mu bihagazeho mu Rwanda agiye gutaramira abakunzi be muri Amerika aho aherereye kuva Rwanda Day yagera ku musozoDJ Kii uri mu bari n'abategarugori bagezweho ho mu kuvanga umuziki azahurira ku rubyiniro na DJ Toxxyk muri Leta Zunze Ubumwe za Amerika na CanadaUrutonde rw'ibirori DJ Toxxyk na DJ Kii bazahuriramo rukomeje kwiyongera nyuma y'uko batangiye umwaka bataramana muri Onomo Hotel na Rwanda Day