Uri uw'igikundiro-Uwicyeza Pamella yashimiye byimazeyo Miss Mutesi Jolly

Itariki 23 Ukuboza 2023 yasize The Ben abaye umwe na Pamella aho bakoze ibirori by’amateka byitabiwe n’imiryango, inshuti n’abakunzi babo.

Muri ubu bukwe bwitabiwe n’ibyamamare bitandukanye Miss Mutesi Jolly yari umwe mu babutumiwemo ariko ntiyabashishije kubutaha.

Gusa uyu mukobwa ukunze kurangwa n’udushya akaba yarageneye ubutumwa bwihariye The Ben na Pamella.

Aho nk'uko bigaragara mu mashusho mato Uwicyeza yasangije abamukurikira yaboherereje impano iriho ifoto yabo bombi.

Abashimira kuba baramutumiye anabifuriza ibyiza mu rugendo rushya batangiye agaragaza kandi ko yabageneye intwererano.

Nk'uko bigaragara ni ubutumwa yohereje hagati ya tariki 15 Ukuboza 2023 itariki yabereyeho umuhango wo gusaba no gukwa wa The Ben na Pamella kimwe n’itariki basezeraniyeho imbere y’Imana.

Ni ibintu byakoze ku mutima wa Uwicyeza Pamella birumvikana muri ibi bihe by’ukwezi kwa buki ko yafashe umwanya wo kureba impano yahawe no gusoma ubutumwa yohererejwe.

Maze abisangiza abamukurikira anashima Miss Mutesi ati”Uri uw’igikundiro, warakoze muvandimwe mbega ukuntu uzirikana.”

Mutesi Jolly na we yasubije ubu butumwa avuga ko nubwo atabashije kuhagera mu buryo bufatika ariko yari abafite ku mutima akaya ndirimbo ya The Ben.Miss Mutesi Jolly yatwereye Uwicyeza Pamella na The Ben basoje umwaka wa 2023 babaye umweUwicyeza Pamella yakozwe ku mutima n'intwererano n'ubutumwa Mutesi Jolly yabageneyeThe Ben na Pamella bagiye kuzuza ukwezi babaye umugabo n'umugore