Ahabanza Imyidagaduro

Butera Knowless waherekejwe na Mutesi Jolly yatanze icyigwa mu muziki-AMAFOTO

Yanditswe na: Abitije Seraphin Elise
Taliki:16/12/2023 7:56 0

Butera Knowless yanditse amateka mu gitaramo cyo kumurika umuzingo wa Dany Nanone yise 'Iminsi Myinshi' mu ndirimbo ze zitandukanye anavangamo iz'umwami w'injyana ya Reggae, Bob Marley.

Knowless wakiriwe ku rubyiniro na Juno Kizigenza bagafatanya kuririmba indirimbo bise 'Umugisha', yagaragaje ubuhanga bukomeye, anyura abafana bari bamukumbuye ari benshi dore ko ataherukaga kugaragara ku rubyiniro.

Uyu muhanzakazi agiye kwanzika mu mwanya we, Mc Tino yabanje gusaba abantu bose ko bahaguruka bakamuha icyubahiro nk'umwe mu bari n'abategarugori bahiriwe n'imyidagaduro. Abakunzi b'umuziki we bamufashije baririmbana na we ijambo kurindi.

Mu kuririmba indirimbo 'Baramushaka' yashyize hanze kuwa 18 Werurwe 2015, bamwe bari buriye intebe amashyi ari yose bigaragaza igikundiro uyu mubyeyi yamaze kwigwizaho n'urukumbuzi bari bamufitiye.

Yakomereje ku yitwa 'Akantu' yagiye hanze kuwa 14 Kamena 2021 kuri Album yise Inzora l, akomereza kuri 'Blessed' yo kuwa 04 Ukwakira 2019 yarushijeho gushyushya abakunzi b'umuziki nyarwanda bari bateraniye muri Camp Kigali? asubiramo indirimbo ya Bob Marley yise 'Three Little Birds' yagiye hanze mu 1980.

Yakomereje kuri 'One Love' ya Bob Marley indirimbo iri mu zakunzwe kandi zagwije ibigwi mu 1977. Nyuma yongeye kuzamura imwe mu ndirimbo zifite igisobanura gikomeye yitwa 'Nzabampari' yo kuwa 11 Ugushyingo 2013.

Muri ibi byose Knowless yafashwaga n'umushyushyarugambaga Tino nikongera uburyohe. Knowlesss yasabye abafana be kumufasha kuririmbira inshuti ye Evelyne Umurerwa wizihiza isabukuru y'amavuko.

Oya Sha yashyize hanze kuwa 10 Ugushyingo 2023 niyo yasorejeho maze asoza abantu bamuha amashyi menshi banamuhamagara ngo agaruke ku rubyiniro kuko bifuza gukomeza kumukurikira.

Butera Knowless mu bo yari yazanye nabo barimo Mutesi Jolly bafitanye umubano wihariye n'abandi barimo n'umugabo we wabonaga ko yanyuzaga amaso mu bafana be akanyamuneza kakamwuzura.Butera Knowless yanyuze abakunzi b'umuziki nyarwanda bari bamukumbuye ku rubyiniroJuno Kizigenza yaririmbanye na Butera Knowless indirimbo bahuriyemo yise 'Umugisha'Mutesi Jolly na Evelyne Umurerwa inshuti magara za Butera Knowless bari baje kumushyigikiraBMc Tino yafashije Butera Knowless n'abaririmbyi be gucana umucyo muri Camp KigaliButera Knowless yafashe umwanya wo kwifuriza isabukuru y'amavuko Evelyne Umurerwa