Ikipe ya Mukura Victory Sports yatangaje ko itazakomezanya na Bukuru Christophe wari uyimazemo igice cy'umwaka.
Ku gicamunsi cyo kuri uyu wa Gatatu, ni bwo Mukura Victory Sports ibinyujije ku rukuta rwayo rwa X, yatangaje ko itazakomezanya na Bukuru Christophe ukina mu kibuga hagati.
Bukuru Christophe yageze muri Mukura ubwo uyu mwaka w'imikino watangiraga, Mukura Victory Sports ikaba yari imukuye muri Rutsiro FC.
Bukuru Christophe wari wasabwe n'umutoza ko bamusinyisha, amaze kuhagera ntabwo yahuje n'umutoza, ndetse akaba yarakunze gusaba ko yatandukana n'ikipe imikino ya shampiyona irimbanyije.
Nyuma yaho imikino ibanza ya shampiyona isojwe ubuyobozi bwa Mukura na Bukuru bwafashe umwanzuro wo gutandukana.
Bukuru yakiniye amakipe arimo Rayon Sports APR FC, ndetse akaba yari muri Rutsiro FC mbere yo kwerekeza i Huye.
Mukura yashimiye Bukuru Christophe
Bukuru Christophe yanyuze muri APR FC ari umukinnyi ngenderwaho
Bukuru Christophe yakiniye Rayon Sports inshuro 2
Eng
RSS 
TANGA IGITECYEREZO