Kevin Danso ni myugaruro wa Lens yo mu Bufaransa. Ubwo ikipe akinira yakinaga na Arsenal, umukino warangiye The Gunners ibatsinze ibitego bitandatu ku busa.
Kevin Danso wari mu mutima wa Defanse, ubwo Arsenal yasukaga imvura y'ibitego kuri Lens, yabwiye ikinyamakuru L'Equipe ko mu Bwongereza hariyo ikipe yo kwitega kandi ikomeye.
Kevin Danso, yavuze ko kuba Lens yatsinzwe ibitego bitandatu, atari ubuswa bwayo ahubwo ari ubuhanga budasanzwe bwa Arsenal.
Uyu myugaruro wa Lens yavuze ko imikinire ya Arsenal iteye ubwoba, dore ko ngo ishobora no kuzegukana UEFA Champions League, mu byo abantu batakekaga.
Kevin Danso yavuze ko kuba ikipe ye yarandagajwe na Arsenal, andi makipe atakagombye kubaseka, ahubwo ango akwiye kurya ari menge kuko ngo yabonye Arsenal ari ibindi bindi.
Kevin Danso yagize ati " Arsenal ni ikipe ikomeye mu mpande zose. Ifite abakinnyi banyuranyuranamo ukabura uwo ufata n'uwo kureka.
"Abakinnyi bayo bazi neza icyo baba baharanira, kandi biragaragara ko batojwe guhuza igikorwa kizima mu gihe gito.Nubwo aritwe twatsinzwe byinshi, iyi kipe nabonye nta kipe yapfa kuyishobora uko yiboneye.
" Haracyari imikino myinshi muri UEFA Champions League, ariko amakipe azakina na Arsenal nge nayasaba kuzayitondera.
Ibitego bitandatu Arsenal yatsinze Lens muri UEFA Champions League, byatsinzwe na Kai Havertez, Gabriel Jesus, Bukayo Saka, Gabriel Martinelli, Martin Ødegard na Gorginho.
Kevin Danso yirahiriye Arsenal, avuga ko ari ikipe ikomeye
Arsenal ku wa Gatatu yatsinze Lens ibitego bitandatu ku busa
Kevin Danso yatanze ubutumwa ku makipe atandukanye
Eng
RSS 
TANGA IGITECYEREZO