Hollywood: Urutonde rw’abakinnyi ba filime 5 b’abanyamuziki bafite inkuru zikurura amarangamutima

Umwuga wa filime ufite benshi b’abanyamuziki ndetse b’abahanga, nubwo bamwe batabikoze nk’akazi ka buri munsi bigatuma badasobanukirwa ubuhanga bwabo mu muziki.

Twaguteguriye urutonde rwa bamwe mu byamamaye mu mwuga wo gukina filime ariko bakaba n’ahahanzi b’abahanga mu kuririmba, n’ibihangano byabo bikirahirwa na benshi bakunze impano yabo mu muziki.

Dore urutonde rwa bamwe mu bakinnyi ba filime b’abahanga mu kuririmba bafite n'inkuru zihariye:

        1.   Jamie Foxx

Umukinnyi wa filime w’umunyamerika Jamie Foxx wigaruriye imitima ya benshi binyuze mu gukina filime, ni umwe mu bahanga mu kuririmba, ndetse zimwe mu ndirimbo zashyizwe hanze ze zirimo iyitwa “You changed me” yaririmbanye na Chris Brown.

Yashyize hanze amashusho y’indirimbo zitandukanye zirimo Hot Wings, Just Like me, Fall for type, Unpredictable, Fly Love n’izindi. Uyu mugabo utarambirana mu kumureba akina filime amaze igihe atangaje ko ari guhangana n’indwara atifuje gutangaza.

Jamie Foxx yatangaje ko arwaye indwara ibabaza umubiri we ariko ntiyayivuga. Eric Marlon Bishop wamenyekanye ku mazina ya Jamie Foxx yakunzwe muri filime nyinshi zirimo The Burial, Django Unchained n’izindi.

          2. Will Smith

Umukinnyi wa filime, akaba umwe mu bakomeye muri America, Will Smith yakuze aririmba ndetse ari umunyempano utangaje mu muziki.

Willard Carrol Smith wamamaye nka will Smith mu gukina filime Hollywood, yaririmbye indirimbo nyinshi zirimo iyitwa “1000 Kisses” yaririmbanye n’umugore we Jada Pinket Smith mu myaka 12 ishize.

Uyu mugabo uhanganye n’umugore we Pinket ku bibazo by’urushako hagati yabo, ni umuhanga mu kuririmba bikaba akarusho mu gukina filime no kuzamura amarangamutima ya benshi bamwihebeye.

Inkuru ivuga ku rushako rwe na Pinket Jada itangaza benshi babakurikira    

   3. Scarlett Johansson

Umukinnyi wa filime Scalett Johansson yamyenyekanye muri filime zirimo “Avengers, Black Widow, Lucy” n’izindi, ni umwe mu bashyize hanze amashusho y’indirimbo zitandukanye.

Uyu mugore washyingiwe inshuro zirenga eshatu, ntakunze guhirwa n’urugo kuko birangira atandukanye n’abagabo basezeranye kubana, gusa ni nyina w'abana babiri.

Scalett Ingrid Johansson umukinnyi wa filime ukomoka muri America yagaragaye aririmba indirimbo zirimo I don’t wanna, The Moon song, I don’t know what  to do, Trust in Me, Bad Dreams n’izindi nyinshi cyane.

Sacrlett ni umwe mu bagore bafite igikundiro uri mu myaka 38 nta mugabo nyuma ya gatanya zamubayeho

        4.  Kevin Bacon

Kevin Norwood Bacon ni umwe mu bahanga bakunzwe mu kuririmba ubwo yashyiraga hanze amwe mu mashusho y’indirimbo zirimo Tell me what I have to do, Go my way, Corona Tune, Bigger, I Fell you, n’izindi.

Uretse kuba umuhanzi, yaririmbye muri Band yashinze na mukuru we yiswe Bacon Brothers.

Umukinnyi wa filime Kevin Bacon umunyamerika w’umuhanga yatanze ibyishimo kuri benshi binyuze mu kuririmba no gukora ibihangano biryoshye. Yavukiye mu muryango w’abana batandatu arerwa n’abandi muri Philadephia.

Indirimbo ze ziracyakunzwe na benshi

         5.    Idris Elba

Umukinnyi wa filime Idris Elba ni umwirabura wamamaye mu gukina filime akaba rwiyemezamirimo n’umushoramari mu bikorwa byo gufasha imishinga ifite aho ihuriye n’imyidagaduro.

Elba uherutse mu Rwanda mu birori byo kwita izina abana b'ingagi  yakinnye filime zirimo Luther, Breast, Fast and Farious, The Harder they Fall n’izindi.

Idris Akuna Elba umukinnyi wa filime w’umwongereza ni umuraperi, umuririmbyi wamenyekanye muri filime y’uruhererekane “ Stringer Bellin the HBO”. 

Uyu mugabo ukunze gushyigikira ibikorwa by’abanyafurika, yakunzwe mu ndirimbo nka Girl with the Bat, Even if I die, It’s Ours, Body Shots n’izindi.

Yatangaje ko yifuza gushyigikira ibikorwa bizamura sinema y'isi ahereye mu Bihugu bya Africa nka Tanzania