Abafana b'ikipe ya Kiyovu Sports batabaje Perezida wa Repubilika y'u Rwanda, Paul Kagame, nyuma yuko iyi kipe bihebeye ikomeje kugana ahabi aho benshi babona ko ishobora no kuzamanuka muri shampiyona y'icyiciro cya kabiri mu gihe nta gikozwe.
Kuri uyu wa Gatatu taliki ya 11 Ukuboza 2024 Saa kumi n'ebyiri z'umugoroba ni bwo ikipe ya APR FC yari yakiriye Kiyovu Sports kuri Kigali Pelé Stadium mu mukino w'ikirarane cyo ku munsi wa Kane wa shampiyona y'icyiciro cya mbere mu Rwanda.
Uyu mukino warangiye ikipe y'Ingabo z'igihugu itsinze Urucaca ibitego 3-0 byatsinzwe na Tuyisenge Arsene, Mamadou Lamine Bah na Niyibizi Ramadhah.
Muri uyu mikino ariko hanagaragaye abafana ba Kiyovu Sports bafite ibyapa birimo ibitababaza Umukuru w'Igihugu ndetse n'ibyamagana ubuyobozi bw'ikipe.
Ku cyapa gitabaza Umukuru w'Igihugu hari handitseho amagabo agira ati: "Nyakubahwa Perezida wa Repubilika y'u Rwanda, abakunzi ba Kiyovu Sports turatabariza ikipe yacu ngo mudukure mu manga turimo".
Naho icyamagana ubuyobozi bw'iyi kipe cyo cyagiraga giti: "Twamaganye ubuyobozi bwa Kiyovu Sports enough is enough Kiyovu".
Kugeza ubu Kiyovu Sports iri ku mwanya wa nyuma ku rutonde rw'agateganyo rwa shampiyona n'amanota arindwi nyuma y'uko kuva shampiyona yatangira yatsinze imikino ibiri gusa ikanganya umukino umwe mu mikino 12 imaze gukinwa.
Abafana ba Kiyovu Sports baratabaza Umukuru w'Igihugu
Abafana ba Kiyovu Sports baramagana ubuyobozi bw'ikipe yabo
Eng
RSS 
TANGA IGITECYEREZO