Kuri uyu wa Kane ubwo imikino ya NBA yakomezaga muri Leta Zunze Ubumwe za Amerika, Los Angeles Lakers yatsinzwe na Huston Rockets naho Denver Nuggets itsinda Golden State Warriors.
Umukino w'ishyiraniro wari utegerejwe na benshi ni uwa Denver Nuggets na Golden State Warriors, warangiye Nuggets itsinze Warriors amanota 108 ku 105.
Kuri Ball Arena, Denver Nuggets ntabwo yigeze iha Golden State Warriors umwanya wo kwiyekerezaho.
Intsinzi ya Denver Nuggets yavuye mu kwitwara neza mu gace ka mbere, aka kabiri n'aka Kane. Golden State Warriors yo yatsinze agace ka gatatu.
Nikola Jokic wa Denver Nuggets akomeje kwitwara neza. Muri uyu mukino Jokic yatsinze amanota 29, libound 13 na assist 3.
Stephen Curry wa Golden State Warriors, yatsinze amanota 16, Rebound 2 na Assist 3. Thompson wa Warriors nawe yatsinze amanota 13 Rebound 5 na Assist imwe.
Abakinnyi batanu Denver Nuggets yatangiranye umukino ni Nikola Jokic, Caldwell-Pope, Gordon, Jackson na Porter.
Golden State Warriors yo abakinnyi yatangiranye umukino ni Stephen Curry, Thompson, Looney, Saric na Wiggins.
Denver Nuggets ikomeje kwitwara neza mu mikino itandukanye ya NBA
LA Lakers kuri uyu wa Kane yatsinzwe isebejwe na Huston Rockets amanota 128 kuri 94.
Gutsindwa kwa LA Lakers, ni ikintu gisebetse kuko Huston Rockets yayitsinze iyirusha amanota 34, ubusanzwe ibi ntabwo bimenyerewe muri NBA.
Uyu mukino kandi warangiye nta gace na kamwe Los Angeles Lakers itsinze mu duce tune tuba tugize umukino.
LeBron James wari usanzwe atabura mu bakinnyi batatu bitwaye neza mu mukino, kuri uyu wa Kane yabaye uwa Gatanu. LeBron James yatsinze amanota 18 Rebound 6 na Assist 2.
Abakinnyi batanu Los Angeles Lakers yatangiranye umukino ni LeBron James, Prince, Wood, Russell na Reaves.
Huston Rockets abakinnyi yatangiranye umukino ni Brooks, Smith Junior, Sengun, Green na Van Vleet.
Kuri uyu wa Kane Los Angeles Lakers yatsinzwe inasebejwe na Huston Rockets
Eng
RSS 
TANGA IGITECYEREZO