U Bushinwa bwamaze gutangaza ko butazongera gusaba ibisubizo bya COVID-19 ku bagenzi baza mu gihugu, iyi ikaba ari intambwe ikomeye buteye mu gufungurira isi yose kuza muri iki gihugu.
Kuva mu mwaka wa 2020 muri Werurwe ubwo icyorezo cya Covid-19 cyari kimaze gufata indi ntera ku isi yose, kwinjira mu Bushinwa kuva icyo gihe byasabaga kuba ufite impapuro zerekana ko wakoze isuzuma ry’uko utarwaye COVID-19. Gusa ibi bigiye guhabwa iherezo guhera kuwa 3 taliki 30 Kanama 2023.
Inkuru dukesha ikinyamakuru ‘ABC News’ ni uko kuri uyu wa mbere taliki 28 Kanama 2023, umuvugizi wa Minisiteri y’ububanyi n’amahanga w’u Bushinwa, Wang Wenbin, yatangaje ko hari impinduka zabaye mu biganiro byabereye mu mujyi wa Beijing.
U Bushinwa muri Mutarama ni bwo bwarangije gushyira mu kato abinjira mu gihugu, ikindi no mu mezi make ashize buhoro buhoro urutonde rw'ibihugu Abashinwa bashobora kugenderera rwariyongereye nyuma bongera n’umubare w'indege mpuzamahanga.
Iki cyorezo gishinjwa kuba cyarabaye imbogamizi cyane aho cyateje Inzitizi zadindije ubukungu ku isi, bigatuma ubushomeri bwiyongera ndetse rimwe na rimwe bikagira imvururu mu bihugu bitandukanye.
Ubushakashatsi bwatewe inkunga na Federasiyo yo muri Amerika muri uku kwezi, bwerekanye ko gusenya byihuse politiki ya “Zero COVID” bishobora kuba byaratumye abantu bagera kuri miliyoni 2 bapfa cyane mu mezi abiri ashize.
Kuva muri Mata kugeza muri Kamena umwaka ushize, umujyi wa Shanghai wafunze abaturage bayo miliyoni 25 kugira ngo babashe kwirinda Covid-19. Aha abaturage basabwaga gukora ibizamini bya PCR kenshi kandi byabaye ngombwa ko batangira gutanga ibiribwa bya leta.
Guverinoma yagiye ihura n’ubukungu
bwifashe nabi. Ibibujijwe, hamwe n’amakimbirane ya Diplomasi na Amerika n’izindi demokarasi zo mu Burengerazuba, byatumye amasosiyete amwe n'amwe yo mu
mahanga agabanya ishoramari mu Bushinwa, ibi byahise bimanura Ubushinwa mu bukungu
no ku isoko ry’umurimo.
Guhera kuri uyu wa Gatatu kwinjira mu Bushinwa ntibizongera gusaba kwipimisha Covid-19
Eng
RSS 
TANGA IGITECYEREZO