Juno Kizigenza yashyize hanze amashusho y'indirimbo 'Igitangaza' yakoranye na Bruce Melodie na Kenny Sol -VIDEO

Iyi ndirimbo yagiye hanze ku mugoroba wo kuri uyu wa Kabiri tariki 8 Kanama 2023, iri mu zigize album ye ya mbere yise ‘Yaraje’.

Uyu muhanzi azajya mu Burundi mu gitaramo cyo kwizihiza imyaka 10 ishize kompanyi ya Cristal Events imaze ibonye izuba. Ni igitaramo azahuriramo n'abarimo Drama T, Alvin Smith, D-One n'abandi.

Iyi kompanyi yatumiye abahanzi ishingiye kubo bagiye bakorana cyane muri iyi myaka 10 ishize. Isanzwe itegura ibitaramo bitandukanye, kandi ifatwa nka nimero ya mbere muri kompanyi ziteza imbere umuziki mu Burundi ikanatumira abahanzi mpuzamahanga.

Yigeze gutumira Jose Chameleone wo muri Uganda akorera igitaramo gikomeye muri kiriya gihugu kiri mu Majyepfo y'u Rwanda. Iyi kompanyi ni nayo yari yatumiye Meddy mu bitaramo yari gukorera mu Burundi.

Umwaka ushize nabwo Juno Kizigenza yari yataramiye muri iki gihugu bigizwemo uruhare n'iyi kompanyi.

Icyo gihe igitaramo cyabereye kuri Zion Beach, ari n'aho icyo muri uyu mwaka kizabera, ku wa Gatandatu tariki 12 Kanama 2023.

Biteganyijwe ko Juno Kizigenza azajya mu Burundi n'indege mu gitondo cyo ku wa Gatandatu nyuma yo kuririmba mu gitaramo cya Rumaga kizaba ku wa Gatanu tariki 11 Kanama 2023.

Juno avuga ko iyi ndirimbo bayise 'Igitangaza' kubera ko ari umuryango yakuriyemo, aho yatangiye umuziki afashwa na Bruce Melodie ari kumwe na Kenny Sol.

Uyu muhanzi avuga ko bariya bahanzi 'ni abantu bafite uruhare runini kuba uyu munsi ndi Juno Kizigenza mwese muzi'.

Asobanura ko bitari gushoboka ko yari gukora iyi album ngo ibureho Bruce Melodie na Kenny Sol kuko ari 'abantu twagendanye urugendo runini' kandi yabigiyeho byinshi.

Avuga ko we na Kenny Sol banyuranye muri byinshi bikomeye, kandi atewe ishema n'aho ageze. 

Kuri we, avuga ko yishimira kuba Bruce Melodie na Kenny Sol 'baremeye kujya kuri album yanjye'.

Kizigenza iyi ndirimbo 'Igitangaza' inasobanuye byinshi kuri we, kuko yanakozwe na Element, Producer batangiranye urugendo rw'umuziki.

Juno Kizigenza yasohoye amashusho y'indirimbo 'Igitangaza' yakoranye na Bruce Melodie na Kenny Sol 

Juno yasohoye iyi ndirimbo mu gihe yitegura kujya gutaramira mu gihugu cy'u Burundi

Kizigenza avuga ko afitanye amateka yihariye na Bruce Melodie na Kenny Sol 

Producer Element wakoze iyi ndirimbo agaragara mu mashusho yayo- Muri iki gihe ari muri Uganda mu bitaramo 

Bruce Melodie 'Munyakazi' mu ifatwa ry'amashusho 'Igitangaza' yakoranye na Kenny Sol na Juno Kizigenza

Juno Kizigenza avuga ko gukorana indirimbo na Bruce Melodie na Kenny Sol ari igisobanuro cy'umuryango abarizwamo 

Amashusho y'iyi ndirimbo 'Igitangaza' yakozwe na Gad uri mu bagezweho mu bafata amashusho y'indirimbo z'abahanzi    

Amashusho y'iyi ndirimbo yafatiwe mu kibuga cya Golf i Nyarutarama mu Mujyi wa Kigali

KANDA HANO UREBE AMASHUSHO Y’INDIRIMBO ‘IGITANGAZA’

">