Umutoza w'ikipe ya Al Nassr yo muri Arabia Saudite, Stefano Pioli ashobora gutandukana nayo nyuma yuko umubano we na Cristiano Ronaldo utameze neza.
Umubano w'uyu mutoza n'uyu munyabigwi mu mupira w'amaguru watangiye kuzamo agatotsi mu byumweru bibiri bishize ku mukino batsinzemo Al Kholood ibitego 3-1.
Stefano Pioli yafashe umwanzuro wo gusimbuza Cristiano Ronaldo wari watsinze igitego cya mbere gusa nti byamushija bijyanye nuko yamukuyemo kare ahita ajya mu rwambariro aho kujya kwicarana n'abandi bakinnyi ku ntebe y'abasimbura.
Kuva icyo gihe umubano w'uyu mukinnyi n'uyu mutoza ntabwo umeze neza none ibinyamakuru birimo Daily Mail byanditse ko Stefano Pioli ashobora kuva muri iyi kipe.
Uyu mutoza wageze muri Al Nassr muri Nzeri mu mwaka ushize nta nubwo umusaruro umeze cyane dore ko mu mikino 5 iheruka afitemo intsinzi 2 ndetse akaba ari no ku mwanya wa 3 ku rutonde rwa shampiyona aho arushwa amanota 10 na Al-Ittihad mu mikino 5 iheruka.
Stefano Pioli mu gihe yaba atandukanye n'iyi kipe biravugwa ko ashobora kuzerekeza muri AS Roma y'iwabo mu Butaliyani.
Stefano Pioli ashobora gutandukana na Al Nassr
Umubano wa Stefano Cristiano Ronaldo ntabwo umeze neza
Eng
RSS 
TANGA IGITECYEREZO