Hamisa Mobetto n’umukunzi mushya bagiriye ibihe byiza mu Bushinwa

Mu mashusho aba bombi bakomeje gusangiza ababakurikira berekanye ko baryohewe aho baherereye mu mashusho amwe, Sowax yigisha Mobetto kuvuga igifaransa.

Sowax ati: ”Ca va? [Umeze ute]” Mobeto ati ”Qui, Ca va bien [Yego meze neza].” Ibi uko biba ni ko imbuga nkoranyambaga z’uyu musore zikomeza gukura umunsi ku wundi.

Uyu musore kandi aheruka gushyira hanze ubutumwa bwerekana ko yanyuzwe mu rukundo mu magambo meza y’urukundo ashimira Mobetto bakundana anavuga ko yizeye ko ahazaza habo hazaba heza.

Mobetto niwe wateye intambwe ya mbere yerekana umukunzi we nubwo atasobanuye igihe bamaranye, ariko yavuze ko hashize igihe bamenyanye kandi baryohewe n’urukundo.

Uyu musore w’umucuruzi kabuhariwe yibera mu gihugu cy’u Bufaransa aho afite ibikorwa bimwinjiriza aheruka guha impano Mobetto y’imodoka yo mu bwoko bwa Range Rover Velar ihagaze akayabo kabarirwa muri Miliyoni 100Frw.

Mu busanzwe Hamisa Mobetto w’imyaka 28 ni umubyeyi w’abana babiri barimo umukobwa afitanye n’umunyemari wo muri Tanzania witwa Majizzo n’umuhungu yabyaranye na Diamond Platnumz.

Hari hashize imyaka yumvikana mu nkuru z’urukundo na Rick Ross.

Hamisa Mobeto yatangaje ko yishimira umuntu umwereka ko ari mwiza n'uw'agatangaza aha yari i Guangzhou mu BushinwaMobeto imbere y'umuturika w'imodoka aheruka guhabwa n'umukunzi mushyaKevin Sowax uzwi nka Mr Choplife akomeje kugira ibihe byiza na Hamisa Mobetto